INFOMAYA

Ku ku’ubik u informei u meyajil u ja’abil 2020 le Molay Inaip Yucatán

2021-03-24

Tu noj kaajil Jo’, u lu’umil  Yucatán, 24 ti’ marzo tu ja’abil 2021


Le u presidentai le Molay Instituto Estatal ti’ transparencia Acceso ti’ Información pública yéetel u kaláanta’al Datos personales (INAIP) María Gilda Segovia Chab tu kubaj u informei u meyajil u ja’abil 2020 le molayilo’ob, tu chíimpoltaj le uts meyaj ku beetik le LXII legislatura uchik u beetik le u túumben a’almajt’aanil Archivos ti’al u lu’umil Yucatán  bey junp’éel nu’ukbesajil k’a’ana’nan.

Táan sesión ordinaria, le u XJolpo’opil le molayilo’ob tu ts’áaj ojéeltbil ti’al u yáantal le u Jolpo’opilo’ob ts’aakankil ti’al u jóok’siko’ob información oficial je’ek’abta’ab le micrositio ti’al u k’i’itbesa’al ojéeltbil le k’ubent‘aano’ob oficial ti’al u yojéelta’al tumeen kaaj tu yóolal le k’oja’anil Covid 19 ti’al u béeykunsa’al le transparencia yéetel u tsolnu’ukta’al kaaj.

Tu tsolaj xan, ti’ le u ja’abil u meyaj le molayilo’ob nonojchaj u k’áatal información tumeen kajáaalo’ob, k’a’am 15,500 solicitudes ti’ información tu’ux ku k’áatal ojéetbil ba’alo’ob tu yóolal u meyaj 235 molayilo’ob Jalachil.


Jo’op’éel molayilo’ob seen k’áatab ba’alo’b tu yóolal u meyaj k’a’am u k’áatchi’i ti plataforma nacional ti’ transparencia, táanil yaan u Ayuntamientoi Jo’, Fiscalía General, Secretaria Ts’aakankil, Secretaria Administración yéetel finanzas yéetel Secretaria General Jala’achil.

Segovia Chab tu ya’alaj, le molayil INAIP tu k’amaj 1, 702 recursos ti’al revisión, ku chíipajal le u k’ajóolta’al yéetel u seen nu’ukbesa’al le u páajtalil kaaj tumeen ma’atech u núuka’al ma’alo’ob je’ex bix u k’áatik kajnáal ti’ le molayil ikil u nu’ukbesik u páajtalil u yojéeltik yéetel u kaláanta’al u k’aaba’ob.


Ti’al u jach xak’alta’al ma’alo’ob le meyajo’ob beetab 7,341 acuerdos, 12,600 diligencias ti’al notificación, yéetel sáasilkúunta’ab 2,041 recursos, 89 % tu favor kajnáalo’ob.

Beey xan tu yóolal le k’aas meyaj ku beetik le máaxo’ob yáan ti’ le u kúuchilil transparencia ti’ le jejelás molayilo’ob Jala’achil, bin ch’úukta’al 981 Órganos ti control interno ti’ le molayil’ob ti’al u xak’alta’al.

Le molayil INAIP tu beetaj 35 tusbeelil meyaj wáa medidas de apremio, 34 amonestaciones publicas yéetel junp’éel multa ti’ servidores públicos ti u ayuntamientoi Buctzotz, Dzilam de Bravo, Dzilam González, Izamal, Kanasín, Río Lagartos, Tixkokob, Tixpéhual yéetel  Ucú; chéen  le ayuntamientoi  Kanasín  ts’a’ab u multa tu ja’abil 2020.

Junpáayil ti’e,  le u XJolpopilo’ob INAIP tu  chíimpoltaj le u yantal u yóolil ti’ jejeláas Jolpo’opilo’ob le u jóok’sik’ob ojéeltbil ba’alo’ob tu yóolal u meyaj je’ex bix u tusbeeta’al tumeen u a’almajt’aanile, na’ak 13 % le jáalk’ata’al ojéetbil información obligatoria ti’al u sáasikúunta’al ti’ kaaj tu lu’umil Yucatán tu ja’abil 2020

Bey chíikpaj ichil le u tsooltsíibilil le programa anual ti’al vigilancia ku bisik le molayilob.

Ichil le tsolts’íibilo’ob chíikpaj, 31 molayilo’ob tu jóok’so’ob le información obligatoria ti’al u yojéelta’al tumeen  kaaj je’ex bix u tusbeeltik u a’almajt’aanile’, 41 molayilo’obe’ ma’a chúuka’an le información tu jóok’sajo’obo’ yéetel 17 mix ba’al tu jóok’sajo’ob.

Le molayilo’ob tu ts’áaj 4,170 asesorías ti’ le u j-meeeyjilo’ob le u 235 molayilo’ob kaaj  ti’al u béeytal u jóok’siko’ob tuláakal le información obligatoria je’ex bix u jets’ik le u a’alamjt’aanil transparencia yéetel acceso ti’ información yéetel u kaláanta’al datos personales.

Le óolal tu túuxtaj t’aan ti’ máaxo’ob jo’olintik le molayilo’ob ti’al u certifacartik u j- meyjilo’ob ti’al u yantal u ju’unil ti’ob oficial ti’al u profesionalizartal le u meyajil u nu’ukbesa’al le páajtalil u yojéelta’al información pública.

Le XJolpo’opilo’b tu ts’áaj k’ajóoltbil, k’a’am 485 tak poolil tumeen yaan molayilo’obe ma’atech u beetiko’b le ba’ax ku jets’ik le u a’almajt’aanil transparencia, je’ex le u jóok’sal información ti’ portales ti’ internet, beey xan ti’ le plataforma nacional ti’al transparencia k’a’ab 110 tak poolil.

Tu yóolal u xaak’alil le je’elo’ beetab 412 acuerdos, 1,497 notificaciones, 110 verificaciones virtuales yéetel 171 resoluciones.

Segovia Chab tu ya’alaj le u molayil INAIP Yucatán jump’éel u nu’ukulil u  nupikuba kaaj yéetel u Jala’achilo’ob, mantats’ ku mu’uk’ankúunsik le u béeykunsal le u jek’atbal u meyaj Jala’achilo’ob ti kaaj, le óolal tu k’iinil 24 ti septiembre ti’ le ja’ab máaniko’ob tu túuxtajo’ob t’aan ti kajnáalo’ob ti’al u ch’a’ajo’olta’al u meyajil le túumben nu’ukula’.

Ti’ le payalt’aano’ob ts’íibta’ab u k’aaba’ 39 jejeláas múuch’kabilil kaaj, 18 juntúulul kajnáalo’ob, beetab bulukp’éel múuchmeyajil, yéetel jets’ab ba’ax k’a’anan ti’ máax kun jo’olintik le secretariado técnico estatal yéetel municipal.

 

QUEREMOS SABER DE TI, DEJA TU MENSAJE