Tu yóolal le 35 ja’abo’ob káajak u meyaj le ajka’ansaj Manuel Jesús Rosado Canché ku náajaltik le chíimpolal “Reconocimiento Diputado Profesor Pánfilo Novelo Martin”.

2022-01-09

Tu noj kaajil Jo’, Yucatán, 9 ti’ enero 2022.

Audio Maya

 

Táan Sesión solemne, le u diputadosi le LXIII Legislatura tu k’ubajo’ob le chíimpolal “Reconocimiento Profesor Pánfilo Novelo Martin” ti’ le ajka’ansaj Manuel Jesús Rosado Canche  tu yóolal le 35 ja’abo’ob káajak u meyaj ti’al u mu’uk’ankúunsik le miastil mayaakuxtal yéetel u ka’ansik ti’ mejen paalal beeyxan ti’  táankelemo’ob.

Ku k’a’asa’altúun,  ku k’iimbesa’al u k’iinil 9 ti’ enero tumen tu chukaj junk’aal ja’abo’ob kiinsa’ak le ajka’ansaj Pánfilo Novelo, le óolal ku ku’u’bul le noj chíimpolal ti’ le k’iina’

Táakpaj xan ikil u k’u’ubul  le múuchk’aayil mejen paalal “Túumbey Kay” tumen ti’ le ja’aba’  ku chukiko’ob lajun ja’abil káajak u k’ayiko’ob le u noj k’aayil u lu’umil México ich maayat’aan

Táan le u yatan yéetel u paalil le ajka’ansaj Pánfilo Novelo Martin, María de Jesús Burgos Cotera, Homero Novelo Burgos, le diputados yéetel u láak’ u’ula’abo’ob, le máax k’am le chíimpolalo’ob tu k’a’asaj, le utsbisbáail yéetel le múulmeyaj tu beetaj yéetel le ajka’ansaj ti’ buka’aj’ ja’abo’obo’ tu taasaj u páajtalil u kaambal yéetel u yilik bix je’el u béeytal u ka’ansik ek miatsil

Béeychaj u ts’aik k’ajóoltbil ti’ juump’éel periódico “Crónicas de Valladolid” le u ki’ki’t’aan, jejelás tsikbal tu yóolal maayamiatsil.

Leti’e ajka’ansaj Pánfilo t’an ti’al u táakpajal ichil le múuchkabil Supremo Consejo Maya ti’al u beeta’al jejeláas péektsil meyaj ti’al u yáantal kolnáalo’ob ti’ u lak’inil ek lu’umil beey xan táakpaj uchik u ts’íibta’al u úuchben kuxtalil Valladolid

Tu ts’áaj u diosbo’otikil ti’ le diputados uchik u cha’a’abal u t’aanil u k’u’ubul ti’ yéetel tu jets’aj  u t’aanil u mootsil u kuxtal mayaakaaj léeylil kuxa’an  ti’ tuláakal xiibo’ob yéetel xko’olelo’ob, máaxo’ob ma’atech u tu’ubsik le ba’ax tu beetaj le ajka’ansaj Pánfilo Novelo Martin, máax tu jach chíikbesak le u mootsil u kuxtalil maayaa, le chíimpolal u k’u’ubul bejla’e ti’al u kilichkunsa’al le u k’aaba’ juntúul u kajnáalil jach tu k’ubaj u yóol ti’al u nojba’alkúunsa’al miatsil maaya, le chíimpolala’ ku k’amik bejla’a le ajkan’asaj Rosado Canche ti’al u túuxta’al t’aan ti’ u láak’ kajnáalo’ob ti’al u noj ba’alkúunsa’al miatsil wey tu lu’umil Yucatán, yéetel México  

 Le u presidentei le Comisión especial ikil u k’u’ubul le chíimpolal “Diputado Profesor Pánfilo Novelo Martin” Luis Fernández Vidal (PAN) tu tsolaj, le ajkna’ansaj Manuel Jesús Rosado Canche ku chukik le ba’ax ku k’áata’al ikil u náajalta’al le chíimpolalob tumeen juntúul kajnáal nu’uka’an meyaj ku beetik tu yóolal ak miatsil maayaa ichil báalts’aa yéetel kaambesajil.

Le ajka’ansaj Manuel Jesús Rosado Canche je’ex bix  Pánfilo Novelo Martin tu ka’atúulal yaan ti’ob le u paakatil u jóok’sa’al táanil yéetel u tsika’al u páajtalil maayakaj

Táan le Sesiono táakpajl le u xnojk ‘abil Jala’achil  Maria Fritz Sierra, le u  secretario Ayuntamientoi Jo’,, Alejandro Ruz Castro,leu  presidente le Tribunal Superior ti’ Justicia ti le Consejoi Judicatura ti’ Poder Judicial, Ricardo Ávila Heredia; le u  alcaldei Valladolid, Alfredo Fernández Arceo; le comisario diplomado ti’ Estado Mayor, Francisco Díaz González, coordinador Estatal ti’ Guardia Nacional; le senador, Raúl Paz Alonzo; le diputados federales Mario Peraza Ramírez yéetel Sergio Chalé Cauich.