Le noj molay Congreso ku chíimpoltik le u utsmeyaj le ajts’akyaj Luis David Arjona Canto

2021-10-27

Tu noj kaajil Jo’, Yucatán, 27 ti’ Octubre 2021

Xma’je’elelil  xma’táan óolil, sa’ak’an óolil yéetel u taaktal u máan táanil ikil u ka’ansik le u kaambalil ti’ le táantankelemo’obo’, leti’e ba’alo’ob ku chíikpajal ti’ le ajts’akyaj Luis David Canto Arjona, le óolal tu náajaltaj le chíimpolal “ Medico del año en el Estado de Yucatán”, chíimpolal yáax juntéenakil ku k’u’ubul tumeen le Congreso.

Táan Sesion Solemne tu’ux táakpaj jejeláas Jolpo’opilo’ob le ajts’akyajob papaxk’a’ata’abi’i úuchik u k’amik le chíimpolalob tu yóolal le táaj utsil meyaj ku beetik tu yóolal ts’aakankil yéetel u kaambesajil ts’aakankil.

Ti’ u 91 ja’abilo’obe’, le sija’an tu kaajil Dzemul Yucatán yuum Arjona Canto tu tsikbaltaj bix uchik u xokik le ba’ax tu k’áatajob, tu chichnile’ ya’abkach talamilo’ob tu máansaj, kex bejla’ ma’tech u ts’aakankile’, le xook u beetmaj tu yóolal cardiología jach uts tu yich.

Le u Presidentai le  Comisión ti’ Postulación ikil u k’u’ubul le Chimpolalob Abril Ferreyro Rosado tu xokaj le bix uchik u kanik xook yéetel le u meyaj la ajts’akyaj Arjona Canto

Bey ts’a’ab ojéeltbilo, le noj molay  Congreso yáax juntéenakil ku k’ubik le túumben chíimpolal ikil u k’iimbesa’al láalaj  23 ti’ octubre “Día del Medico” tu noj lu’umil Mexico ti’al u nojba’alkúunsa’al le utsil meyaj ts’aakal ku beeta’al tu jejeláas kúuchilil ts’aakankil

Bey túuno, tu k’iinil 18 ti’ octubre táan Comisión múuch’ aprobarta’ab le u k’u’ubul le chíimpolalob ti’ le ajts’akyaj Luis Arjona  táan Sesión solemne
Láak’inta’ab le ajt’sakyajo’ob tumeen u paalal, Bricia del Pilar Arjona Villicaña yéetel Ruy Arjona Villicaña.

Táakpaj xan jejeláas Jolpo’opilo’ob, je’ex bix le u xnojk’abil Jala’achil María Fritz Sierra; u  representante Tribunal Superior ti’ Justicia, Santiago Altamirano Escalante; le Secretario ts’aakankil  Mauricio Sauri Vivas yéetel  le Auditor Superior, Mario Can Marín.