Ku káajal u meyaj le Comisiones Especiales ti’al u k’u’ubul le Chíimpolalo’ob, “Héctor Victoria Aguilar” yéetel “Diputado Pánfilo Novelo Martín”.

2021-11-05

Tu noj kaajil Jo’, Yucatán, 5 ti’ noviembre 2021

Ichil u máank'iinal meyaj le LXIII Legislatura, tu k’iinil viernes káasa’ab u meyaj le Comisiones Especiales ti’al u k’u’ubul le Chíimpolalo’ob Diputado Profesor Pánfilo Novelo Martín” yéetel  “Héctor Victoria Aguilar, beey xan k’u’ub le u proyectoi le Convocatoria ti’al u yéeya’al máax kun náajaltik le chíimpolal  yéetel medalla.

Le Comisión Especial ti’al le chíimpolal Pánfilo Novelo Martin ku jo’olinta’al tumeen le diputados Luis Fernández Vidal (PAN), Fabiola Loeza Novelo (PRI), Jazmín Villanueva Moo (Morena), Crescencio Gutiérrez González (Nueva Alianza) yéetel  Manuela Cocom Bolio (PAN), ichil le yáax sesionob xo’ok le u convocatoria kun túuxta’al u ojéelt u óoxjaatsilil Jala’achil Yucatán, jejeláas múuch’ kabil kaaj, ti’ kajnáalo’ob ti’al u ts’íibtiko’ob u k’aaba’ u candidatos, ku béeytal u ts’íiba’al u k’aaba’ le máaxo’ob jach ku meyajtiko’ob u páajtallil wa tojbe’enil maaya kaaj way péet lu’umil wa t- noj lu’umil.

Ts’a’ab xan ojéeltbil le chíimpolalo’ob kun k’u’ubul tu k’iinil 9 ti’ enero tu ja’abil 2022 táan Sesión Solemne tu k’iinil u k’iimbesa’al u kíimil le ajka’ansajo’ob

Le Comisión Especial ti’al u k’u’ubul le Chíimpolal Medalla “Héctor Victoria Aguilar”, ku jo’olinta’al tumeen le diputados Melba Gamboa Ávila (PAN), Crescencio Gutiérrez González (Nueva Alianza), Gaspar Quintal Parra (PRI), Eduardo Sobrino Sierra (PRD), Rubí Be Chan (Morena), Dafne López Osorio (PAN) yéetel  Erick Rihani González (PAN),jets’a’ab u t’aanil ba’ax k’a’ana’an ti’al u k’a’amal candidatos ti’al u náajaltik

Yáax táanile’, le u ju’unil ikil kun ts’íibta’al u k’aaba’ candidatos k’a’abéet u k’u’ubul original yéetel copia tu’ux ku tsolal ba’axten kun tukultik je’el u béeytal u náajtalik le chíimpolalo’ob, u curriculum uchik u xook wa ts’aa xookil wa ba’ax meyajil ku beetik, unaj u k’ubik tu kúuchil Oficialía ti’ partes tu najil Congreso

Le noj chíimpolal “Héctor Victoria Aguilar”  jets’a’an u k’u’ubul ti’ máax ku seen meyaj tu yóolal ciencia, u xíixbalil derecho, arte, miatsil, le u k’a’aytik wáa u kaláantik u tojbe’enil wa derechos humanos, u kaláanta’al sijnáalil wáa ba’alo’ob tu yóolal u yutsil ek lu’umil, noj lu’umil wa yóok’ol kaab

Le chíimpolalob kun k’u’ubul tu k’iinil 11 ti’ enero tu ja’abil 2022 las 11 jats’kabil táan Sesion solemne.

Jets’a’ab u ts’a’abal tak tu k’iinil 30 ti’ noviembre u ts’íibta’al u k’aaba candidatos.