Ku paklamtsikbalta’al junp’éel iniciativa ti’al u jeltúumbensa’al le a’almajt’aan Ley Orgánica ti’al Poder Judicial

2021-07-16

Tu noj kaajil Jo’, u lu’umil Yucatán, 16 ti’ julio tu ja’abil 2021

Le u diputadosi le Comisión Permanente ti’ Justicia yéetel Seguridad Publica tu much’uba’o ti’ internet yéetel le u Presidentei le Tribunal Superior ti’ Justicia wey t- lu’umil Ricardo Ávila Heredia ti’al u paklamtsikbalto’ob junp’éel iniciativa ti’al u jeltúumbensa’al u a’almajt’aanil Ley Orgánica ti’ Poder Judicial.

Le u Presidentei le Comisión permanenteo Luis Borjas Romero tu tsolaj le much’ táambay virtualo’ ku taasik u páajtalil le u paklamxak’altiko’ob le iniciativao.
Le u Magistrado Ppresidentei le Tribunal ti’ Justiciao tu tsolaj, bejale ts’oka’an u k’uchul u k’iinil u beeta’al le u óoxjaatsilil le u meyajil ikil u jeltúumbensa’al u beeta’al justicia tu lu’umil Yucatán le xaak’al p’iis óolil wa juicio junp’éel u noj chuunil xaak’al, bey túunob táan u kaxanta’al u béeykunsa’al u yantal junp’éel Tribunal Unitario (chen juntuúul juez)  je’ex bix u jets’ik le tsoolmeyajil a’almajt’aan Código Nacional de Procedimientos Penales  tumen wey t lu’umile chéen ka’ap’éel Tribunal colegiado yaan tu’ux ku táakpajal óoxtúul jueces yaan ti’al u jetsiko’ob u ts’ook t’aan ti’ le juicios orales.

Tu sáasilkúuntaj, táan u kaaxanta’al u keetkúunsa’al le u a’almajt’aanil nacional ichil u meyajil le Tribunalo’obo’ wey tu lu’umil Yucatán. Le tribunales colegiados chéen kun iliko’ob casos je’ex ti’ le loobil  trata de menores, tráfico de menores, trata de personas, desaparición forzada de personas, secuestro, violación, homicidio doloso yéetel feminicidio, bey tu núukaj le kaa’aj k’áataba’ti’ tumen le u Presidentei le u Juntai gobierno le Congreso Diputado Felipe Cervera Hernández

Le Tribunal Unitario ku k’áatal ka anako’ob ti’al u yil ba’alo’ob yéetel le loolbilo’ob ku beetal ti tránsito, ookol, tuusil, ichil u láako’ob.

Le u Consejeroi le Judicatura ti’ le Poder Judicial wey t- lu’umil Yucatane’  Luis Solís Montero  tu tsolaj, tu ja’abil 2018 beeta’ab 46 juicios, tu ja’abil 2019 beeta’an 71, tu ja’abil 2020 na’ak 80 juicios, táan u bin u nonojtal, chéen tu táankuchil le u ja’abil 2020 ts’oka’an 56 juicios, le óolal k’a’ana’an ka jets’ak le Tribunales unitariosob

Ichil le much’táambail virtual táakpaj le Diputadas Rosa Adriana Díaz Lizama (PAN), Janice Escobedo Salazar (PRI), Karla Franco Blanco (PRI), Mirthea Arjona Martín (PRI), yéetel le diputado Luis Loeza Pacheco (Morena).

Ti’al u xuule, le Diputado Luis Borjas Romero tu tsolaj, le iniciativa túuxta’ab Congreso tumen le Poder Judicialo’ ku jets’ik ka’a táakbesak xko’olelo’ob bey u chuunt’aanil le kéen jets’ak máax kun jo’olintik junp’éel Tribunal ti’al enjuciamiento, le wáa xan ka jets’ak u beeta’al le Tribunal unitario je’el u béeytal u séebankunsa’al u xaak’al meyaj kuk beetik le noj molay p’íis óolalil