INFOMAYA

Tuláakal Diputados votarnajo’ob ti’al u muk’uankúunsa’al u meyajil ts’aakankil ti’al k- lu’umil.

2021-11-10

Tu noj kaajil Jo’. Yucatán 10 ti’ noviembre 2021.

Táan Sesión Ordinaria le u Diputadosi le LXIII Legislatura tu múuch’ aprobarto’ob le dictamen ikil u máansa’al jo’op’éel najilo’ob ti’ u molay ts’aakankil IMSS, ichile’ ti’ yaan le Hospital Regional ti’ u kaajil Ticul, walki jo’olajunp´éelel k’iin túuxta’ak u iniciativai tumen Jala’achil ka’aj aprobarta’abi.

 Le Diputado Jesús Pérez Ballote (PAN) u Presidentei le Comisión Permanente ti’ Presupuesto, Patrimonio Estatal yéetel Municipal tu chíimpoltaj le u yóol xaak’alil  séeba’an ti’ le diputadosob beey xan le u ts’e’elel ichil u tuukulil ba’ax partidoi proponertik ti’al u béeytal u táanilkunsa’al u yutsil 40 mil kajnáalo’ob ti u nojolil ek lu’umil.
Le Diputada Carmen González Martin (PAN) na’ak tribuna ti’al u tsole’ táanilkunsa’ab u tooj óolal kajnáalo’ob tu yóok’ol u láak’ ba’ax, leti’e ku káatik kajnáalo’ob, meyaj nu’uka’an, ma’ u náachtal autoridad ti’ kaaj yéetel meyaj ti’al u suta’al le alabóolil tu ts’áaj kaaj uchik u yéeyik u diputados

 Le diputada Rubí Be Chan (Morena) tu tsolaj, yéetel u yóolil múulmeyaj ti’ tuláakal ku páajtal u cha’a’abal acuerdos ku taasik utsil ti’ máax k’a’ana’an.

Le u láak’ ba’alo’ob aprobata’ab táan Sesión ti’ yaan le Convocatoria ti’al u yéeya’al máax kun náajaltik le chíimpolalo’ob  Medalla de Honor “Héctor Victoria Aguilar” yéetel reconocimiento “Diputado Profesor Pánfilo Novelo Martín”.

Aprobarta’ab xan le u desecherta’al le u proyectoi le dictameni le ku k’áatik u kaajil Tixkokob ka k’e’exek u Leyi ingreso ti’al u béeytal u páayik taak’in ti’al le ejercicio fiscal 2021

Ichil le Sesión máaniko’obo’’ le Diputado Esteba Abraham Macari (PAN) u k’ubmaju  propuesta ti’al u túuxta’al t’aan ti’ diputados federales ma u ts’e’el le áantajo’ob kku ts’a’bal ti mejen productores ti’al u ja’abil 2022, ba’ale tsoka’an u aprobarta’al táan federación le óolal chéen kunel ka aprobartak táan Congreso tumeen u diputadosi Morena yéetel PT mix u táakal tu tuukulo’ob.le óola tu k’áataj ka’a xu’ulsa’ak u paklamtsikbalata’al

Ichil asuntos generalese’ le u Diputadai  PRI Karla Franco Blanco tu k’ubaj u propuestai le iniciativa ti’al u jekltúumbensa’al le a’almajtaan Ley de Salud ti’al u lu’umil Yucatán ti’al u tusbeelta’al u much’al le Sistema de coordinación tu’ux unaj u táakpajal jolpo’opilo’ob ts’aakankil ti’al u beeta’al programas ti’al u kaláanta’al, u ch’úukta’al, u ts’a’akal le loobil cáncer de mama tu lu’umil Yucatán

Le Diputada Vida Gómez Herrera (MC) tu k’ubaj u ju’unil junp’éel Punto de Acuerdo ti’al u túuxta’al t’aan ti’ le u X-jolpo’opil Secretaria de mujeres ti’al u táakbesik u tuukulil le chuunt’aanil meyaj perspectiva de género ikil kun je’ets’el u presupestoi u meyaj le molayilob ti’al u yutsil xko’olelo’ob, beey xan ti’al u túuxta’al t’aan ti’ u Jala’chil u lu’umil Yucatán ti’al u táakbesik le tuukiloo’b ikil tuláakal le meyaj kun beetikob

Le Diputada Alejandra Novelo Segura (Morena) tu k’ubaj u iniciativai ti’al u ts’íibta’al tu noj pak’il “Muro de Honor le u kúuchil salón de sesiones ti’ Congreso le t’aan:   Al personal de Salud por su Destacada Labor para Combatir la Pandemia Covid-19”, ikil u chíimpolta’al le u meyajo’ob tu yóolal el k’oja’anil Covid-19 le u jmeeyjilo’ob u molayil ts’aakankil.

QUEREMOS SABER DE TI, DEJA TU MENSAJE