Jesús Abraham Simón Campos ku k’amik le chíimpolal “Medico del año tu lu’umil Yucatán”

2022-10-23

 Tu noj kaajil Jo’, Yucatán 23 ti’ octubre 2022

Tu noj k’iimbesajil ajts’ayajo’ob wa Día Nacional del Médico le noj mola’ay Congreso tu k’ubaj le chíimpolal “Medico del año tu lu’umil Yucarán” ti’ le ajts’akyaj Jesús Abraham Simón Campos uchik u táakpajal u xak’alt kaxanta’al le u vacunai Covid 19

Tan sesión solemne láak’inta’ab tumeen  le u integrantesi le Juntai Gobierno yéetel Coordinación Política le Congreso pa’tej yéetel u xno’ojk’abil Jala’achil María Fritz Sierra beey xan  le consejera ti’ le Judicatura ti’ Poder Judicial María Eli Farfán Flores

Le u presidentai le Comisión ch’úuktik u k’u’ubul le chíimpolalob diputada Abril Ferreyro Rosado (PAN) tu xokaj junxóot’ ts’íibil ti’ le ba’ax u seen xokmaj yéetel ba’ax ku meyajtik le ajts’ayakj Abraham Simón, tu’ux  táakpaja’an ichil le xaak’alil uchik u kaxanta’al le u vacunai Covid 19

Tu tsolaj, diosbo’otik tu yóolal le nuka’an meyaj ku beetik bey ajkaxana’at ti’al u ts’a’akal jejeláas k’oja’anil beychaj u kaxanta’al le u vacunai Covid 19

Le óolal óota’ab ka u náajalt le noj chíimpolal ku k’ubik le noj mola’ay Congreso tumeen juntúul kajnáalil u lu’umil Yucatán ku nojba’alkúunsik u k’aaba ek lu’umil

Le noj chíimpolalob k’ub tu k’ab ti’ le jats’aykaj Jesús Abraham Simón Campos tumeen u presidentai le Mesa Directiva Pilar Santos Díaz, ts’o’oke’ ka’a tu ts’áaj u diosb’otikil ti’ le Congreso tu yóolal le noj chíimpolalob uchik u jets’ik u náajaltej, tu k’aaba’ u yéet ajts’ayajo’ob ku k’amik tumen kex anchaj sa’abe’entsilil ti’ u kuxtal ma’ xu’ul u yóolo’ob u kaxantiko’ob ts’aak ti’ le k’oja’anilob