Noj molay Poder Ejecutivo yéetel Poder Judicial ku much’ikubáa yéetel Diputados Locales ti’al u paklamxak’alta’al bix kun jeltúumbensa’al le a’almajt’aan Ley Orgánica ti’al u molay Centro de Conciliación Laboral ti’al ek lu’umil.

2021-11-25

Tu noj kaajil Jo’, Yucatán, 25 ti’ noviembre 2021.

Audio Maya

Ikil u kaxáanta’al u k’ajóolta’al ba’alo’ob tu yóolal bix kun jeltúumbensa’al le u a’almajt’aanil u káajal u meyaj le Centro ti’al Conciliación laboral tu lu’umil Yucatán yéetel u jeltúumbensa’al jejeláas a’almajt’aan ti’al u je’ebel je’ex bix u noj a’almajt’aanil Yucatán jejelás funcionarios tu much’uba’ob yéetel u diputadosil le Comisión Permanente ti’ Puntos Constitucionales yéetel Gobernación beey xan le u representantesi le Poder Ejecutivo yéetel Judicial.

 Le u presidentai le Juntai Conciliación yéetel Arbitraje ti’al Yucatán Grettel Escalante Rendís tu tsolaj, ba’axten ku k’uba’al le iniciativaob, ti’al u keetpajal ek lu’umil yétel u lu’umilo’ob Chile, Brasil, España tu’ux ts’oka’an u k’e’exel bix u beeta’al justicia laboral ti’al u yustil kajnáalo’ob.

Tu ya’alaj, le u a’almajt’aanil Orgánica ti’al le túumben Centro ti’al Conciliación laboral u ch’a’amaj u chuunt’aanil le Ley Federal ti’al Conciliación yéetel arbritraje beey xan le u Codigoi administración pública yéetel u reglamentoi tumeen jach k’a’ana’an u yantal u a’almajt’aanil nuka’an bix kun meyaj yéetel u páajtal u beetik convenios ti’al capacitación ti’al conciliadores.

 Unaj u much’a’al u Juntai Gobierno le túumben Centro kun jo’olinta’al tumeen Jala’achil, tumen u jolpo’olil le Secretaria General ti’ gobierno, u Secretaria administración yéetel ti’ le unidad ti’ transparencia ti’al u paklamxak’altiko’ob bix kun meyaj servidores públicos, kun jets’iko’ob xan le u reglamentoi.

Le diputado Víctor Hugo Lozano Poveda (PAN) tu ts’áaj u diosbo’otikil ti’ le jejeláas jolpo’pilo’ob ikil u táakpajo’ob ichil le much’táambameyajo’ob tumeen jach k’a’anan ti’al u na’atpajal le iniciativaob

Le u meyajaxaak’al le Comisión ti’al Educación Ciencia yéetel Tecnología ka’a ch’a’ajo’olta’ab u xak’alil le iniciativa ti’al u jeltúumbensa’al le artículos ti’ le u a’alm,ajt’aanil kaambesajil ti’al u tusbeelta’al u molay kaambesajil le u ts’aik internet ti’ u jejeláas najil xook bey k’uban tumeen le u diputadoi Nueva Alianza Crescencio Gutiérrez González, k’ub ti’ le diputadosob le u fichai tecnicai le iniciativaob

Le u diputadai PAN Pilar Santos Díaz tu jets’aj u t’aanil le u meyajil kaambesajil junp’éel meyaj jach ka’ana’an beey xan tu k’a’asaj ma sen úuchak aprobarta’ak le u páajtalil tuláakal kajnáalo’ob le u nu’ukbesik internet le óolal najmáal u beeta’al ba’alo’ob ti’al u yutsil tuláakal kajnáalo’ob.

Le u diputadai PRI Karla Franco Blanco tu k’áataj u páajtalil ti’ le presidenciaob ka’a béechajak u túuxta’al propuestas ti’al le iniciativaob tu yóolal kaambesajil

Le u diputadoi PAN Esteban Abraham Macari tu ya’alaj k’a’ana’an xan u táakbesa’al u tusbeelta’al jejeláas Ayuntamientos beetiko’ob meyaj, léeyli bey tu ya’alaj le u diputadai Morena rubí Be Chan