Ku aprobarta’al tan Pleno le u jeltúumbensa’al u a’almajt’aanil Notariado ti’ u lu’umil Yucatán.

2022-03-30

Tu noj kaajil Jo’, Yucatán 30 ti’ marzo 2022

Kex votarnaj tu contra le u diputadosi MORENA u mayoriai le u diputadosi le LXIII Legislatura tu aprobarto’o’b le u jeltúumbensas’al u a’almajt’aanil Notariado ti’ u lu’umil Yucatán ti’al u páajchajal u je’ebel nonoj u láak’ notarias publicas tumen k’a’ana’an ti’al u yutsil kaaj ka séebankúunsa’ak tramites.

Le u diputadai PAN Carmen González Martin tu tsolaj, le iniciativaob ku jets’ik le u jeltúumbensa’al le u yáax jaatsilil le artículo 6 ti’ le u a’almajt’aanil Notariado ti’al ka’ éemsa’ak de 20 mil tak 15 mill kajnáalo’ob ti’al láaaj juntúul notario ti’al u nonojkíinsa’al notarios wey t lu’umil

Le u diputadoi PRI Gaspar Quintal Parra tu ya’alaj ikil u nonojkíimpajal u yantal notarios ku xu’ulsa’al le seen ko’ochajal u beeta’al tramites tumen chéen jun múuch’ notarios yaan, beyo’ ku je’ebel u láak’ ti’al u yilik kajnáal tu’ux ku béeytal u beetik tramites ti’al ma’ u seen ko’ojchajal ti’ kajnáalo’ob

Tu contra t’aanaj le u diputados MORENA Alejandra Novelo Segura, Jazmín Villanueva Moo yéetel Rafael Echazarreta Torres ,tumen ku ya’aliko’ob ma’ jach sáail ba’axten ku k’áata’al ka’a je’ebek u láak’ notarias

le diputado Jesús Pérez Ballote, (PAN) tu núukaj, jach k’aas ka’ u ya’al le u diputadosi morena ma’ tu yiliko’ob u yutsil le iniciativaob chéen ti’al ma’ u aprobartiko’ob, tumen jach ya’abkach uts ku taasik ti’ kajnáalo’ob

Tan Sesión ti’ le Pleno aprobartab tumen tuláakal le diputadosob le u iniciativai le diputada Dafne López Osorio (PAN) ti’al u tusbeelta’al u k’ajóolta’al láalaj u k’iinil 5 ti’ abril bey Día Estatal para recordar a las Víctimas del Virus Sars-cov2 (Covid-19). Le diputadao tu tsolaj, le je’elo ku beeta’al ti’al u tusbeelta’al ti’ Jala’achil u beetik máank’inal k’a’asajil tu yóolal le kajnáalo’ob kiimsa’abo’ob tumen le u k’oja’anil Covid-19

Le u diputadai Morena Rubí Be Chan tu chíimpoltaj le u yóolil u beeta’al k’a’asajil ti’ le máaxo’ob kiimsa’abo’ob tumeen le Covid beey ti’ le máaxo’ob ku meyajo’ob ti’al u ts’a’akal

Ichil asuntos generalese’ le diputada Karem Achach Ramírez (PAN), tu k’ubaj junp’éel iniciativa ti’al u jeltúumbensa’al u a’almajt’aanil kaláantik u kuxtal xko’olelo’ob ti’al u tusbeelta’al ti’ jejeláas najil xook básico, media yéetel superior ti’al u beetiko’ob u tsoolnu’ukil meyaj wa protocolos ti’al u ch’úukta’al, u xak’alta’al yéetel u sáasilkúunta’al beey xan  u u’ulsa’al u pech’óolta’al xko’olel

Le diputada Carmen González Martín (PAN) tu k’ubaj u láak’ iniciativa ti’al u jeltúumebsa’al u a’almajt’aanil ikil u kaláanta’al u tojbe’entsilil nojoch wíiniko’ob ti’al u béeykuknsa’al u nu’ukbesiko’ob.

Le u diputado del PRI, Quintal Parra, tu k’ubaj u iniciativa ti’al u jeltúumbensa’al u a’almajt’aanil Notariado ti’ u lu’umil Yucatán tu yóolal u je’ets’el tarifas social notariales ti’al u beetiko’b tramites óotsiloo’ob

Le diputada ti’ Morena, Villanueva Moo tu k’ubaj xan u iniciativa ti’al u jeltúumbensa’al u a’almajt’aanil kaláantik u tojbe’entsilil nojoch wíiniko’ob ti’ u lu’umil Yucatán.

le diputado Echazarreta Torres (Morena), tu k’ubaj junp’éel iniciativa tu yóolal el semáforos peatonales ti’al u k’e’e’xel u juul b ey sak ma’ ya’ax je’e bejla’e ti’al ma’ u seen úuchul accidentes.

Le u presidentai le Mesa Directivao Pilar Santos Díaz (PAN) tu túuxtaj jejeláas iniciativas ti’ Comisiones Permanentes  úuch k’uba’ak ti’al u káajal u xak’alta’al beey xan tu ts’áaj ojéeltbil tan Pleno k’a’ama Oficios ti’ u legislaturasi Legislaturas de Campeche, Hidalgo, Morelos yéetel  Guerrero, junp’éel oficio túuxta’ab tumeen le u Presidentei le Tribunal Superior ti’ Justicia yéetel le Consejoi Judicatura ti’ Poder Judicial, tu’x ku k’ubik u estado finacieroi le u wináalil enero tak diciembre  2021