Le LXII legislatura tu beetaj le u túumben a’almajt’aanil ti’al u kaláanta’al mejen ch’úupalal, xi’ipalal yéetel táankelemo’ob

2021-04-28

 Tu noj kaajil Jo’, tu lu’umil  Yucatán, 28 ti’ abril  tu ja’abil  2021

U mayoría le u diputadosi le LXII legislatura tu aprobarto’ob le u iniciativa Jala’achil ikil u beeta’al le u túumben a’almajt’aanil ti’al u kaláanta’al mejen ch’úupalalo’ob, xi’ipalalo’ob yéetel táamkelemo’ob, beey xan ku jeltúumbensa’al jejeláas a’almajt’anao’ob estatales bey proponerta’ab tumen le u Dip PRI Karla Franco Blanco yéetel Janice Escobedo Salazar

Le u Presidentai le Comisión ti’ Derechos Humanos María Moisés Escalante (PRI) tu tsolaj, ku beeta’al junp’éel túumben a’almajt’aan beey xan ku jeltúumbensa’al u láak’ once, je’ex bix le a’almajt’aan Ley sobre el Sistema Estatal de Asistencia Social, la Ley para la Protección de la Familia, le u Código  Familia, ichil u láako’ob
 

Jump’éel  le u tusbeelil ku beeta’alo’ob leti’e u beeta’al le Sistema ti’al protección integral ti’al mejen ch’úupalalo’ob, xi’ipalalo’ob yéetel táankelemo’ob wey t- lu’umil, ti’al u tusbeelta’al ba’ax meyaj ken u beet le jejeláas molayilo’ob ku táakpajlo’ob ti’al u kaláanta’al mejen paalalo’ob, ti’al u séebankúunsa’al u xak’alta’al le kéen ojéelta’ak táan u pech óolta’al juntúuli

Tu tsolaj, xan ku tusbeelta’al u jeltsuta’al le molay Procuraduría de la Defensa del Menor y la Familia (Prodemefa), bey u Procuraduría u kaláanta’al mejen ch’úupalal, xi’ipalal yéetel táankelemo’ob, le meyaj ku  beetik ka’ach le Prodemefa bejla’e kun beetik le Sistema para el Desarrollo Integral de la Familia (DIF).

Le Diputadai PAN Kathia Bolio Pinelo tu tsolaj, tu yóolal le u k’oja’anil Covid 19 seen na’akchaj u beetal le delitos  bey secuestro, abuso sexual, yéetel le u xúump’ajta’al mejen paalal, óoxtúul mejen paalal ku kíimil sáansamal tu noj lu’umil Mexico ikil u pech’ óoltalo’ob, yéetel le dictamena’ ku mu’uk’ankúunsa’al le meyaj ku beeta’al ti’al u kaláanta’al mejen paalal yéetel ti’al ma’ u seen to’opolo’ob

Ku tusbeeltik ti’ jejeláas molayilo’ob Jala’achil u ch’úuktiko’ob,  u xak’altiko’ob , u k’amiko’ob tak poolil le kéen ojléelta’ak ku seen to’opol mejen paalalo’ob, beey xan le je’elo’ u meyaj le Procuraduría kalanil yéetel Fiscalía General k- lu’umil

Le u Dip PRI Karla Franco Blanco tu tsolaj, le propuestao beeta’abi tumen mi’na’an u tusbeelil u kalanil especial, bejla’e’ jets’a’an ichil le dictamena’, sáasil bix tsola’ani ba’ax meyaj yéetel ba’ax molayil unaj u beetik

Beey xan tu tsolaj tu yóolal le reformas múuch’ aprobarta’ab ti’ le u noj a’almajt’aanil u lu’umil Yucatán tu yóolal bix kun beetal le Informes municipales, yaan u túuxta’al ti’ le u 106 municipios k lu’umil tumeen k’a’ana’an ka aprobarta’ak tumeen mas ti’ u táanchumukil ti’al u káajal u tsikbe’enil

Le u Presidentai le Comisión ti’ Puntos Constitucionales yéetel Gobernación tu yala’aj, le presidentas yéetel presidentes municpalesob unaj u k’ubiko’ob u informe u meyajo’ob tu wináalil Agosto láalaj ja’ab ti’al u ts’a’abal u yojéelt kaaj bix u bin u meyaj yéetel bix anik le u cuenta publicai le kaajo’ob wáa ma’ tu beeti beyo’ yaan u kuuch bo’olti’.

Ku tusbeeltik u beetal tumeen le cabildo junp’éel sesión solemne tu kúuchil le Ayuntamiento ti’al u k’u’ubul le informeo, beey xa unaj u k’u’ubul tu noj molay Congreso.

Táan sesión ordinaria ti’ le miercolesa, múuch’ aprobarta’ab xan le u convocatoria ti’al u yéeya’al u túumben integrantei le consejo Cosultivoi le Molay INAIP

Beey xal le u óoxmáalil le u k’u’ubul 76 informes individualesi auditoria beetaba’ ti’ 35 Molayilo’ob Jala’achil, 33 municipios yéetel 8 organismos públicos municipales, beey xan le u informei ejecutivoi le resultadoi le fiscalización superior ti’ u cuenta publicai 2019.

Le Dip Milagros Romero Bastarrachea tu beetaj u tak poolil 43 alcaldes ku kaxantiko’ob reelección tumen ma’ u sáasilkúunto’ob bix anik le u cuenta publicai le kaajo’ob.

Tu tsolaj, le u Jolpo’opil u kaajil Kanasin taka’an u pool táan Fiscalia General tu yóolal desvioi recursos, yaan queja ti’ táan Comision ti’ Derechos humanos, táan INAIP yéetel ASEY, tu yóolal le u Jolpo’opil u kaajil Tinum taka’an u pool tumeen 500 u kajnáalilo’ob

Túuxta’ab ti le Comisión  ti’ Justicia yéetel Seguridad publica le ju’un túuxta’ab tumen le Tribunal colegiado ti’ le circuito 14 tu yóolal le amparo tu beetaj Cesar Andres Antuña Aguilar tu’ux ku tusbeeltik le Congresoa u jelxak’altik u jo’olintik le u úuchben cargo bey magistrado.

Ti’ jump’éel entrevista yéetel medios ti’ comunicación le u Presidentei le u Juntai  Gobierno le Congresoa Felipe Cervera Hernández (PRI) tu tsolaj, ku tusbeetla’al le Congresoa u jelsuta’al táan Comisión permanete ti’al u jelxak’a’alta’al  le u ka’a jo’olintik le u úuchben cargo

Ti’ le Comisión ti puntos Constitucionales yéetel Gobernación túuxta’ab ti’ le iniciativa ti’al u jel túumbensa’al u noj a’almajt’aanil u lu’umil Yucatán tu yóolal u jáalk’abil u meyaj le  u Secretaria Ejecutivai le sistema Estatal Anticorrupción, le u a’almajt’aanil le Sistema Estatal Anticorrupción yéetel el u Codigoi Administración pública.

Beey xan le iniciativa ti’al u jeltúumbensa’al le artículos 29,30,30 Bis, 30Ter, yéetel 30 Quater ti’ le u a’almajt’aanil Catastro, yéetel le iniciativai ti’al u jeltúumbensa’al u a’almajt’aanil k- lu’umil tu yóolal Transparencia yéetel información pública

Ichil asuntos generalse le Dip Silvia López Escoffie tu k’ubaj junp’éel iniciativa ti’al u jeltúumbensa’al u noj a’almajt’aanil u lu’umil Yucatán, u a’almajt’aanil Poder Legislativo yéetel u reglamentoi tu yóolal u tusbeelart’al u k’ubik u informei u meyaj le u magisdtradoi le TribunalEelectoral ti’ k- lu’umil

Le u Dip PRI, Mirthea Arjona Martín tu k’ubaj xan u láak’ iniciativa  ti’al u jeltúumbensa’al u Codigoi penal k lu’umil tu yóolal Feminicidio, yéetel le propuesta ku tusbeelta’al ma’ u xu’ulul u k’iinil ti’al u ta’aka’al u pool máax k’iinsik juntúul xko’olel tumen junp’éel nojoch loob ku beetal ti’ kaaj

Le u Dip. PRI Alberto Novelo Pérez tu k’ubaj u láak’ iniciativa ti’al u jeltúumbensa’al le artículos 6 yéetel 119 ti’ le u a’almajt’aanil Notariado tu yóolal escribanias públicas, ti’al u tusbeelta’al u yantal escribanías ti’ u 106 u municipiosil k- lu’umil ti’al u beetik tramites kajnáalo’ob