Ku k’uba’al u iniciativai u a’almajt’aanil ti’al u kaláanta’al yik’el kaab yéetel u meyajil kaab tu lu’umil Yucatán.

2022-04-20

 Ku aprobarta’al dictámenes tu yóolal tusbeelil u chíimpolajil tojbe’entsilil Derecho a la Ciudad yéetel Menstruación Digna

 Tu noj kaajil Jo’, Yucatán 20 ti’ abril 2022.

Ikil u tojtáanta’al u túumbenkúunsa’al u meyajil  yéetel ka’a líik’sa’al u meyajil kaab le u diputadai PAN Pilar Santos Díaz tu k’ubaj junp’éel iniciativa ti’al u beeta’al u túumben a’almajt’aanil u meyajil kaab ti’al u lu’umil Yucatán Ley de protección a las abejas y fomento apícola, táakpaj ichil, le u diputadai Morena Ruby Be Chan

Le u presidentai le Mesa directivaob tu tsolaj, manal ti’ 90% ti’ le máaxo’ob ku meyajtiko’ob kaab wey t lu’umil chéen nojoch máako’ob maayat’aano’ob yaan ti’ob 60 colonias

Le u láak’ diputadai PAN Karla Salazar González tu k’ubaj u junp’éel Punto de acuerdo ti’al u je’ebel junp’éel Comisión Especial ti’al u xak’alt u tojbe’entsilil mejen paalal yéetel táankelemo’ob

Tu tsolaj ku tukulta’al u je’ebel ti’al u páajtal u xak’alta’al ba’alo’ob ku talamkúunsik u nu’ukbesik u tojbe’enil  mejen ch’úupalal, xi’ipalal yéetel táankelo’ob tu lu’umil Yucatán ti’al u páajtal u jeltúumbesn’al wa u beeta’al a’almajt’aan ikil u tuusbeelta’al u beeta’al programas ti’al u ch’úukta’al yéetel u kaláanta’al mejen paalal

Tan sesión ti le Comisionob aprobarta’ab le u dictameni le Comisión ti’ Puntos Constitucionales  ikil u jeltúumbensa’al u noj a’almajt’aanil  u lu’umil Yucatán ti’al u táakbesa’al u ts’íibil u chíimpolajil le tojbe’enil Derecho a la Ciudad.

 Le u diputadai PAN Carmen González Martin tu ya’alaj, le dictamenob paklamxak’alta’ab nuka’an tu’ux ch’enxikinta’ab u t’aan u láak’ diputados ti’al u táanilkúunsa’al u yutsil kajnáalo’ob

Le u Coordinador u diputados PRI Gaspar Quintal Parra tu tsolaj le tojbe’entsilil Derecho a la Ciudad  ku je’ik u páajtalil u kuxta’al nu’uka’an kajnáalo’ob beey xan ti’atkúuntik u jejeláas kúuchil kaaj

Le u diputadai Morena Alejandra Novelo Segura tu ya’alaj,ma’ unaj u ja’atsal mixmáak ti’ u ba’alobáai kaaj, ku táanilkúunsa’al u nu’ukbesa’al ust sijnáalil tumeen tuláakal kajnáalo’ob

Tan le Pleno le diputadosob tu múuch’ aprobarto’ob le Dictamen ti’ le Comisión ti’ Ciencia yéetel Tecnología ikil u jeltúumbensa’al le u a’almajt’aanil kaambesajil u lu’umil Yucatán tu yóolal u Menstruación Digna, iniciativa k’uban tumen u diputadai Movimiento Ciudadano Vida Gómez Herrera.

Le diputado Crescencio Gutiérrez González ti’ Nueva Alianza na’ak tribuna ti’al u tsol le iniciativaob jach paklamxak’alta’ab nu’uka’an ti’al u béeykunsa’al u yuskíinta’al junp’éel talamil ti’ xoknáalo’ob.

Ku jeltúumbensa’al le artículos 7, 14,16 yéetel 34 ti’ le u a’almajt’aanil kaambesajil u lu’umil Yucatán  ikil u tojtáanta’al u chíimpolta’al le u éemel k’i’ik’ ti’ x-xóoknáalo’ob xch’úupalal bey junp’éel u tojbe’enil  kaaj, le u tojbe’enil le u ts’a’abal nu’uka’an  ts’aakankil yéetel ust kuxtalil.

Le u diputadai Movimiento Ciudadano tu tsolaj,  le dictmenob ku tuusbeeltik le u molay Jala’achil Secretaría de Educación Estatal le kéen u beet u nu’ukesajil ti’al kaambesajil ja’ab lam ja’abil ti’al jejelas najil xook ti’ mejen kaajo’ob jach óotsil ti’al u tsikbe’enta’al u tojbe’enil mejen ch’úupalal, xlo’bayan tu yóolal u ts’a’a’abal u ba’alobáai menstruación.

Le u diputadai PRI Karla Franco Blanco tu tsolaj, le reforma jets’a’an ichil le dictamenob ku tusbeeltik u jeltúumbensa’al bix u yila’al ichil kaambesajil bix u jela’anil xch’uup ti’ xiib ikil u éemel u k’i’ikel ti’
beey xan ichil le kaambesajil ku ts’a’abalo’ob ka e’esak bix  líikil xiib yéetel xko’olel

Le diputada ti’ Morena Alejandra Novelo Segura tu k’áataj tan tribuna ka’a ts’a’abak junp’éel minutoi papaxk’ab tu yóolal u k’a’asal le xunáan doña Rosario Ibarra de Piedra máax kíim tu k’iinil 16 ti’ abril