Ku k’áata’al ka’a beeta’ak nu’ukbesasjil ichil kaambesajil ti’al u kaláantal sijnáalil tumen mejen paalal yéetel táankelemo’ob tu lu’umil Yucatán.

2022-04-27

 Tu noj kaajil Jo’, Yucatán, 27 ti’ abril 2022

Le u diputadai PAN, Dafne López Osorio tu k’ubaj ti’ le Mesa Directiva ti’ le Congreso junp’éel iniciativa  ti’al u tusbeelta’al u beeta’al nu’ukbesajil ichil kambesajil ti’al u ka’ansa’al ti’ mejen paalal yéetel táankelemo’ob tu lu’umil Yucatán le u kalanil sijnáalil, u kuxtal máak ma’ u beetik loob ti’ sijnáalil yéetel u oksaj tuukulil le loobil ku taasik le u k’expajal  u yooxol yóok’ol kaab.

Tan Sesión ti’ Pleno López Osorio tu tsolaj le meyaj ku tusbeelta’ala’ leti’e u kuuch meyaj u ch’a’amaj le LXIII ti’al u chukpaxta’al le noj tuukul meyaj desarrollo sostenible ti’ le Agenda 2023.

Ichil asuntos generales le u diputadai PRI Karla Franco Blanco tu k’ubaj junp’éel iniciativa ti’al u beeta’al u a’almajt’aanil Bibliotecas ti’ u lu’umil Yucatán, ti’al u je’ebel  bibliotecas públicas ti’al u suukpajal u xook kajnáalo’ob

Le u diputadoi Morena Rafael Echazarreta Torres t’aanaj tan Tribuna tu yóolal le iniciativa túuxta’an ti’ le Comisión Permanente ti’ Puntos Constitucionales yéetel Gobernación ti’al u jeltúumbensa’al u noj a’almajt’aanil u lu’umil Yucatán yéetel u beeta’al u a’almajt’aanil meyaj Poder Judicial.

Ichil u péektsilmeyajil le Sesión Ordinariaob túuxta’ab ti’ le Comisión ti’ vigilancia, cuenta publica, trasparencia yéetel anticorrupción le oficio k’ama’ab ti’ le u jolpo’opil  Central de abastos, rastro municipal Juan Lucero Flores ikil u k’ubik le u estado financieroi u ja’abil 2021, beey xan le u oficio u Ayuntamientoi Chemax tu yóolal le u informeoi bix anikil u taak’inil enero tak diciembre tu ja’abil 2021

 Túuxta’an xan ti’ le Comisionob le oficioi u ayuntamientoi Calotmul tu’ux ku k’ubik u informei u taak’inil enero tak diciembre tu ja’abil 2021

Ti’ le Comisión ti’ vigilancia Cuenta pública túuxta’ab ti’ le oficio k’ama’ab ti’ le Magistradoi Presidente le Tribunal Electoral tu lu’umil Yucatán Fernando Bolio Vales tu’ux ku k’ubik le cuenta pública le noj mola’ayilo’ob ti’ u ja’abil 2021.

Ti’ le Comisión ti’ Desarrollo Agropecuario túuxta’ab ti’ le iniciativa k’uban tumeen le diputada Pilar Santos Díaz (PAN) yéetel Rubí Be Chan (Morena) ti’al u beeta’al u túumben a’almajt’aanil Ley de Protección a las Abejas y Fomento Apícola ti’al Yucatán.

Tan Pleno ts’a’ab ojéeltbi k’a’am oficios ti’ le u Congresoi’ u lu’umil Querétaro, le oficio túuxta’ab tumeen le Secretaria Administración yéetel Finanzas Olga Rosas Moya, le túuxtan tumeen le Magistrada Adda Cámara Vallejos tu’u’x ku k’áatik ka tusbeelta’ak u ts’a’abal u jubilación.