Le noj mola’ay Congreso ti’ Yucatán tu k’ubaj le chíimpolal “A la Excelencia Docente del Estado de Yucatán”

2022-05-15

Tu noj kaajil Jo’, Yucatán 15 ti’ mayo 2022

Audio Maya

Ikil u k’iimbesa’al le k’iinil “Día del Maestro” Le u diputadosil le LXIII Legislatura tu k’ubajo’ob le chíimpolal “A la Excelencia Docente del Estado de Yucatán” ti’ le ajka’ansaj Dr. Carlos Alberto Pérez y Pérez tu yóolal le 30 ja’abo’ob káajak u ts’aa xook ichil jejeláas najil xook.

Le chíimpolalo’ob ku k’uba’al ti’ máaxo’ob jach nu’uka’an meyaj ku beetik tu yóolal u kaambesajil ek lu’umil

Tan Sesión solemne tu’ux táakpajl  le Secretario Kaambesajil Liborio Vidal Aguilar, máax taas u t’aan u Jala’achil u lu’umil Yucatán Mauricio Vila Dosal, beey xan le u Presidentei le Tribunal Superior ti’ justicia Ricardo Ávila Heredia.

Le u presidentei le Comisión especial ikil u k’u’ubul le chíimpolal “A la Excelencia Docente del Estado de Yucatán”, diputado Crescencio Gutiérrez González, tu ts’áaj u diosbo’otikil yéetel tu ts’íiboltaj ki’imak óolal ti’ ajka’ansajo’ob, máaxo’ob ku meyajo’ob sáansamal ti’al u yutsil u lu’umil Yucatán

 Le diputado tu ya’alaj jach ma’alo’ob ka u náajalt le chíimpolal le ajka’ansaj Carlos Perez y Perez tu yóolal le nu’uka’an meyaaj ts’aa xookil ku beetikob ikil u ka’ansik le u kaláanta’al maayat’aan yéetel u miatsilil ek lu’umil

 Le ajka’ansaj Carlos Perez y Perez tu túuxtaj t’aan ti’ u láak’ ajka’ansajo’ob tial u k’a’asik le compromisio tu yóolal kaambesajil jach k’a’ana’an tumen u beelil ti’al u ye’esal u yóolil ka’ansajil tu táan xan u páajtalil le u jelbesa’al utsil le u múuch’ kuxtal kaaj ti’al u chuumbesa’al junp’éel túumben noj lu’umil, le noj lu’umil kak kaxantik yéetel le ak k’áat ti’al ak mejen paalal

Le ajk’anasajo’ob tu ts’áaj u diosbo’otikil ti’ le diputados uchik u alabóolta’al ti’al i náajaltik le noj chíimpolalob

Ikil u k’a’asa’al tuláakal le ajka’ansajo’ob kíimo’ob tu yóolal le u k’oja’anil Covid 19 k’áata’ab ti’ le Mesa Directivaob junp’éel minuto papaxk’ail