Le LXIII Legislatura ku tusbeeltik u je’ebel junp’éel Comisión Especial ti’al u xak’altil bix anik le molay ISSTEY

2022-05-25

 Tu noj kaajil Jo’, Yucatán 25 ti’ mayo 2022

Audio Maya

 

Tan Pleno ti’ le Congreso le diputados yéetel diputadasil Le LXIII Legislatura tu múuch’ aprobarto’ob le  u je’ebel junp’éel Comisión Especial ti’al u xak’altik bix anik le molay ISSTEY

Le Comisionob kun meyaj xak’altik bix anik u taak’inil le molayilob, kun jo’olinta’al tumen Crescencio Gutiérrez González (NA) bey Presidente ; vicepresidente, Erik Rihani González (PAN); secretarios, Gaspar Quintal Parra (PRI) Rafael Echazarreta Torres (Morena), vocales Eduardo Sobrino Sierra (PRD), Jesús Pérez Ballote (PAN), Manuela Cocom Bolio (PAN), Luis Fernández Vidal (PAN) yéetel Dafne López Osorio (PAN).

Le u presidentei le Comisionob Crescencio Gutiérrez González (NA) tu tsolaj ichil le túumben comisionob táakpaj tuláak’al u diputadosi le Partidos políticos yaan te’e Congreso tumeen le ba’ax kun jets’a’alo’ ma’ tun jan aprobarta’al, kun ch’a’ajo’olta’al xan le paklamtsikbalil tu yóolal le bix anik yéetel bix kun bin u meyajta’al le molayilob

Tu favor le propuesta  t’aanaj le u diputadoi Morena Rafael Echazarreta Torres ikil u ch’a’ajo’olta’al u xaak’alil le u molayil ISSTEY ti’al u kaxanta’al u tojkíinsa’al u meyaj tu yóolal u yutsil u jmeeyjilo’b Jala’achil.

Léely tan Sesión ti’ le Pleno múuch’ aprobarta’ab le u je’ebel le túumben Comisión Especial ku k’aba’tik Derechos de la niñez y de la adolescencia kun jo’olinta’al tumen  Abril Ferreyro Rosado (PAN)  Bey presidenta; vicepresidenta, Jazmín Villanueva Moo (Morena); secretarias Karla Franco Blanco (PRI) y Vida Gómez Herrera (MC); vocales Karla Salazar González, Dafne López u diputadasi PAN yéetel Harry Rodríguez Botello Fierro ti’ PVEM.

Ichil asuntos generales le u diputadoi PAN Jesús Pérez Ballote  tu k’ubaj junp’éel iniciativa ti’al u jeltúumbensa’al u noj a’almajt’aanil u lu’umil Yucatán ti’al u tusbeelta’al u táanilkúunsa’al u k’a’amal uts kajnáalo’ob yiknal u molayilob Jala’achil ikil kun tsikbe’enta’al u tojbe’entsillo’ob bey wíiniko’ob

Le u diputadai PRI Fabiola Loeza Novelo tu k’ubaj u láak’ iniciativa ti’al u táabsa’al ichil le u noj a’alm ajt’aanil Yucatán tu yóolal u beeta’al le Sistema permanente ti’al u yáanta’al nojoch wíiniko’ob ti’al u tsikbe’enta’al u tojbe’entsilil ti’al Asistencia social yéetel u beeta’al nu’ukbesajil áantajil, ti’al u je’ebel albergues ti’al u k’a’amalo’ob.

Luis Fernández Vidal (PAN) tu k’ubaj junp’éel iniciativa ti’al u tusbeelta’al ti’ municipios u beetiko’ob tramites ti’al u béeyta’al u k’áatiko’ob le tutela publica tu yóolal mejen paalal, táankelemo’ob’ yéetel nojoch wíiniko’ob xma’ láak’tsilil

Le u diputadoi PAN Esteban Abraham Macari tu k’ubaj u iniciativai ti’al u chíimpolta’al bey Patrimonio Cultural Intangible le xíimbalil yéetel ts’íimin wa cabalgata tumeen junp’éel ba’al jach suuk u beeta’al le óolal unaj u kaláanta’al yéetel u p’a’atal ti’ le túumben kajnáalo’ob ku líik’ilo’ob.

Jazmín Villanueva Moo, diputadai Morena tu k’ubaj u iniciativai ti’al u jeltúumbensa’al jejeláas artículos ti’ le a’almajt’aan  Ley de los Derechos de las Niñas, Niños y Adolescentes ti’al u mu’uk’ankúunsa’al u kaláanta’alo’ob.

Tan le Sesión ti’ le Pleno táakpaj le u xoknáalilo’ob le carrera ti’ Ciencias Sociales ti’ le najil xook Universidad Mesoamericana yéetel ti’ UADY

Ichil le ba’alo’ob aprobata’ab tan Pleno ti’ yaan le dictamen ikil u beeta’al le túumben a’almajt’asan Ley de Desarrollo Social del Gobierno del estado de Yucatán ku tojtaantik le u kaxanta’al bix u ma’alobkíinsa’al bix kuxlik u kajnáalilo’ob u lu’umil Yucatán, le iniciativaob jo’olinta’al u beeta’al tumeen le u xoknáalilo’ob facultad ti’ derecho ti’ le najil xook UADY

Le u diputadai PRI  Karla Franco Blanco tu tsolaj le túumben a’almajt’aanob junp’éel u nooyil ikil u je’ebel u múulmeyajil kaaj tu’ux táakbesa’al tuláakal t’aan

Beey xan le u diputadai PAN Melba Gamboa Ávila tu ya’alaj, le iniciativaob táakbesa'ab ichil tuláakal le ba’ax ch’enxikinta’ab ti’ u jejeláas múuch’kacil kaaj ti’al u mu’uknakúunsa’al le u chuunil meyaj ku beetik Jala’achil tu yóolal desarrollo social

Beey xan tuláakal le diputadosob tu aprobarto’ob le dictamen ikil u  jeltúumbensa’al le Código penal tu yóolal le loobil suicidio feminicida le óolal le u diputadai PAN Karem Achach Raierz tu toslaj, tu favor yaan ti’ le Dictamenob tumen junp’éel meyaj kun beeta’al ti’al u kaláanta’al xko’olelo’ob ti’al mau muk’yajtiko’ob le loobilob.

Le u  diputadai Morena, Jazmín Villanueva Moo tu tsolaj beeta’ab junp’éel nu’uka’an paklamxaak’alil ti’al u béeyta’al u yila’al le tentativa ti’ suicidio bey junp’éel k’aas ku beetik u kinsikubáa máak’

Tan le plenariarob túuxta’ab ti jejeláas Comisiones  iniciativas yéetel oficio

Le u Juntai gobierno le Congreso kun xak’altik le oficio túuxta’ab tumeen le Secretario ejecutivo ti’le u molay IEPAC Javier Valdez Morales

Le Comisión ti’ Puntos Constitucionales kun xak’altik le iniciativa k’uban tumee u diputadai PAN Melba Gamboa Ávila tu yóolal u káajal u meyaj túumben Ayuntamientos, beey xan le iniciativa k’uban tumeen u diputadoi Morena Rafael Echazarreta Torres tu yóolal u derechos políticos máasewáal kaajoo’ob yéetel le ti’al la magistraturas yéetel carrera judicial

Le Comisión ti’ Vigilancia cuenta pública kun xak’altik le oficio túuxta’ab tumeen u Ayuntamiento kinchil ikil u k’ubik u cuenta publica 2021. Beey xan le oficio túuxta’ab tumen Mario Can Marín Auditor Superior ikil u kubik le informes ti’ le Cuenta publica 2020

Le Comisión ti’ Presupuesto patrimonio Estatal yéetel municipal kun xak’altik le iniciativa ti’al u jeltúumbensa’al u Ley Ingreso yéetel Presupuesto ti’ u kaajil Conkal ti’al u ja’abil 2022, beey xan le iniciativa ti’al u jeltúumbensa’al u Ley ingreso u kaajil Uayma pa’tej yéetel u Ley Hacienda ti’al u ja’abil 2022

Le Comisión ti’ Educación Ciencia yéetel Tecnología kun xak’altik le iniciativa k’uban tumen u diputadoi PAN Esteban Abraham Macari yéetel ti’ Nueva Alianza Crescencio Gutiérrez González  tu yóolal le k’oja’anil xoknáalo’ob Trastorno por Déficit de Atención e Hiperactividad (TDAH).

Le Comisión ti’ Igualdad ti’ Genero kun xak’altik le iniciativa k’uban tumeen u diputadai PAN Dafne López Osorio tu yóolal le loobil violencia de genero

Tu xuule’ xook le oficio k’a’am ti’ le Camarai Senadores ti’ le Congresoi de la Unión.