Yucatán ku máan táanil tu yóolal Movilidad yéetel Seguridad Vial

2022-08-09

 Tu noj kaajil Jo’, Yucatán 9 ti’ agosto 2022

 Tan le u wukp’éel periodoi Sesiones Extraordinario ti’ le u yáax ja’abil meyajil le Legislatura u mayoriai le diputadosob tu aprobarto’ob le u jeltúumbensa’al le u noj a’almajt’aanil u lu’umil Yucatán ikil u jóok’sa’al le u a’almajt’aanil Movilidad yéetel Seguridad Vial beey xan le u túumben a’almajt’aanil Movilidad yéetel seguridad vial ti’al Yucatán  ti’al u chíimpolta’al le páajtalil tu yóolal movilidad yéetel u beeta’al nu’ukbesajil ti’al u kaláanta’al kajnáalo’ob ikil u máan ich kaaj ti’al u yantal seguridad vial, ti’ transporte publico, infraestructura.etc

Le túumben a’almajt’aanob chuumpaja’an yéetel le seen tsikbalil beeta’ab tu’ux táakpaj jejeláas múuch’kabilo’ob kaaj pa’tej yéetel le u diputadosi le Comisión ti’ Puntos Constitucionales yéetel Gobernación,178 artículos ku taasik, wukp’éel u jaatsilil tu’ux ku tusbeelta’al u chíimpolta’al le páajtalilo’ob  ti’ movilidad yéetel le meyajo’ob unaj u beetik jejeláas jolpo’opilo’ob ti’al u yuskíinta’al le movilidad yéetel seguridad vial, le u je’ebel le mola’ay Agencia de transportes de Yucatán ti’al u ch’úukta’al u beeta’al tuláakal le meyajil ti’al u chan ustal trsnaporte público.

Le diputada Carmen González Martín (PAN) tu tsolaj le u aprobarta’al le dictamen ti’al movilidad ti’al u béeykunsa’al le u chuunt’aanil tusbeelil jets’a’an ichil le a’almajt’aan Ley General de Movilidad yéetel Seguridad vial ti’al tuláakal u noj lu’umil México

Le diputado Jesús Pérez Ballote (PAN) tu ya’alaj le u aprobata’al le dictamenob ku taasik u páajtalil u máan táanil u lu’umil Yucatán ikil u beeta’al u túumben a’almajt’aanil Movilidad yéetel Seguridad Vial keet yéetel le jóok’sa’an ti’al tuláakal u lu’umilo’ob México ti’al Movilidad yéetel transporte publico

Le diputado ti’ PRI, Gaspar Quintal Parra tu tsolaj, jach k’a’ana’an u paklamtsikbalta’al tuláakal propuestas ku túuxtik kaaj tumen much’a’anil kun béeytal u yutskíinta’al bix u máan kajnáalo’b ichiil kaaj xma’a sajakil

Le u diputadosi Morena, Jazmín Villanueva Moo yéetel Rafael Echazarreta Torres tu ya’alajo’ob ma’aj chúupkaj nonoj u k’iinilo’ob ti’al u paklamxak’alta’al nuka’an le dictamenob

le diputada ti’ Movimiento Ciudadano, Vida Gómez Herrera tu tsolaj le iniciativa ti’ movilidad tu k’ubajob ma’aj táakbesa’ab ichil le ba’ax ku aprobarta’ala’ beey xan le diputada Fabiola Loeza Novelo tu ya’alaj ma’aj láaj ch’ekxikinta’ab tuláakal múuch’kabilil kaaj

Uchik u jeltúiumbensa’al u noj a’almajt’aanil Yucatán ti’al u jeltúumbensa’al le u a’almajt’aanil yéeyajil tu yóolal le nu’ukbesaj Fortalecimiento de la representación democrática y paridad cualitativa ti’al cargos ichil yéeitáambal ti’ municipios.

Le Dafne López Osorio (PAN) tu tsolaj ichil le iniciativaob ku jets’a’al tusbeelil ti’al u táanilkúunsa’al u ts’a’abal xko’olelo’ob ti’al candidatas ti’al u béeykunsa’al le keet óolil ku tusbeeltik le  Sala superior ti’ le Tribunal superior electoral ti’al u ts’a’abal xko’olelo’ob bey candidatas ti’ municipios chan nojocho’ob ti’al jaajkúunchajal le keet óolil ichil xko’olel yéetel xiib.

Le diputada Carmen González Martín (PAN) tu ya’alaj yéetel le dictamenob kun béeykunsa’al u nonojtal xko’olelo’ob bey u jolpo’opil u kaajo’ob

Le diputadai PRI, Karla Franco Blanco tu tsolaj le iniciativa ku tojtáantik le u jelmu’uk’ankúunsik le jaytúul diputados kun yéeyalo’ob tumen kaaj ti’al u láaj taasa’al tan Congreso u t’aan tuláakal kajnáalo’ob.

Le diputado ti’ Nueva Alianza, Crescencio Gutiérrez González, t’aanaj tu yóolal le páajtalil kun ts’a’abal ti’ kaaj ti’al u chukik junp’éel Jala’achil chuumpajan yéetel tsikbalil

le diputado ti’ Morena, Rafael Echazarreta Torres tu ya’alaj le reforma ku taasik u páajtal u yu’uba’al u t’aan tuláakal kajnáalo’ob

Le diputadoi PRD, Eduardo Sobrino Sierra tu tsolaj, le iniciativa chéen ti’al u ya’abkúnsa’al diputados, ma’ leti’e ba’ax ku k’áatik kajnáalo’ob

Le diputada ti’ Morena, Jazmín Villanueva Moo tu contra votarnaj ti’ le dictamenob tumen la kaajo’ob ma’ u k’áat mas ya’ab diputadosi