Ku k’uba’al iniciativa ti’al u jetsa’al u kuuch bo’olil le loobil sumisión química

2022-09-21

Tu noj kaajil Jo’, Yucatán 21 ti’ septiembre 2022

Le u presidentei le Juntai Gobierno yéetel Coordinación Política le Congreso diputado Víctor Hugo Lozano Poveda tu k’ubaj ti’ le Mesa directivaob junp’éel iniciativa ti’al u ts’íibta’al ichil le Código Penal le loobil sumisión química, wa le u ts’a’abal u yuk’ k’aas ba’al ti’ wa máax ti’al u beeta’al loob ti’

Tan Tribuna le diputado tu tsolaj bix u beeta’al le loob k’ajóolan’an bey “canasteo” le ken ts’a’abak u yuk ba’ax wéensik wa satik u yóol wa máax ma’ u k’áati’i wa ma’ u yojeli’i’

Tan Sesión ordinaria aprobarta’ab tumen tuláakal le diputados le dictamen túuxta’an tumeen le Comisión ti’ justicia ikil u jeltúumbensa’al u a’almajt’aanil  Ley de Acceso de las Mujeres a una Vida Libre de Violencia yéetel Código Penal ti’al u wet’a’al le loobil Violencia digital, violación a  la intimidad sexual yéetel violencia familiar

Le diputada Carmen González Martin (PAN) tu tsolaj, ku tojtáantik u tusbeelta’al ti’ jolpo’opilo’ob le u kaláantiko’ob yéetel u xak’altiko’ob ba’atelil ichil baatsilo’ob ti’al ma’ u yúuchul le loobil violencia.

Le u diputadai Movimiento Ciudadano Vida Gómez Herrera tu ya’alaj, le ken aprobarta’ak le dictamenob tan u beeta’al uts yéetel u xu’ulsa’al ba’atelil, beey xan tu chíimpoltaj le uts xaak’almeyaj yéetel paklamtsikbalil pa’tej yéetel xko’olelo’ob activistas

Le u diputadoi PRI Gaspar Quintal Parra tu tsolaj,ichil u xaak’almeyaj le Comisión táanilkúunsa’al le u páajtalil xko’olelo’ob ti’al u xu’ulsa’al u muk’yajtiko’ob toop, beey xan ku tusbeelta’al le mola’ay Secretaria de las mujeres, Fiscalía yéetel Poder Judicial le u kaláantik, u xak’altik yéetel u jets’ik u kuuch bo’olil le loobil violencia

Le diputada Fabiola Loeza Novelo le u láak’ dictamen ku aprobarta’alo’ob tu yóolal le Código Penal ti’al u wet’a’al u jóok’sa’al ti’ je’e ba’ax redes sociales, fotos, videos, audio grabación sexuales wáa ma’ u yojel le máax ku jóok’ol ichilo’o

U láak’ dictamen aprobarta’ab tan Pleno tumen u mayoría le diputadosob leti’e u Reglamentoi le u a’almajt’aanil Poder Legislativo  ti’al u jets’a’al buka’aj súutuk yéetel bix kun t’aan láalaj diputados tan tribuna, yáax juntéenakile’ 7 minutos wáa máan tuka’atéene’ chen  óoxp’éel minuto

Ichil asuntos generales ti’ le Pleno le diputada Vida Gómez Herrera (MC) tu k’ubaj junp’éel iniciativa ti’al u jeltúumbensa’al u a’almajt’aanil tooj óolal tuukul Yucatán ti’al u beytal u je’ets’el u taak’inil u meyajil payt’aanilo’ob ti’al kaláanta’al u k’oja’anil tuukul

Le u diputadai PRI Karla Franco blanco tu k’ubaj u iniciativai ti’al u chíimpolta’al le u páajtalil aj pat nu’ukulo’ob wa artesano wey tu lu’umil Yucatán

Le u diputadai PAN Pilar Santos Díaz tu k’ubaj u iniciativai ti’al u jeltúumbensa’al u a’almajt’aanil Registro civil ti’ u lu’umil Yucatán ti’al u beykunsa’al u páaajtalil máasewáal kajnáalo’ob, mejen paalalo’ob ti’al u suta’al ich máasewáal t’aan le u ju’unil u ts’íibta’al u k’aaba’ob

Tu yóolal u t’a’ajil tuukul le diputada Dafne López Osorio tu tsolaj le u diputadosi PAN ku yiliko’ob seen uts wa ma’alob uchik u beeta’al le programa “juntos y juntas por la Salud mental tumeen u Jala’achil u lu’umil Yucatán Mauricio Vila Dosal

Le u diputadoi Nueva Alianza Crescencio Gutiérrez González tu k’ubaj u iniciativai ti’al u jeltúumbensa’al u a’almajt’aanil le mola’ay Derechos humanos ti’ u lu’umim Yucatán ti’al u ts’a’abal u páajtalil ti’ kajnáalo’b u beeta’al tak poolil tu k’aaba’ yéetel ti’al u k’áatik bix u bin u sáasilkunta’al le taakpolil ku beetikob

Le diputado Jesús Pérez Ballote (PAN) na’ak Tribuna t’aan tu yóolal le utsba’alo’ob kun taasik le u beeta’al le kúuchil Gran Parque de la Plancha

Tu xulee’ le u diputadoi Morena Rafael Echazarreta Torres  tu tsolaj junp’éel utsba’alil le múulmeyaj le u beeta’al le parque La Plancha tumeen kun je’epapjal junp’éel kúuchil ti’al u bin u xíimbal kajnáalo’ob

La iniciativa de la diputada Karla Salazar González (PAN) para crear la Ley de Neurodiversidad del Estado de Yucatán.

Ti’al u ts’ooke’ xo’ok tan pleno le oficios túuxta’an tumeen le Camarai Senadores, le ti’al u kaajilo’ob Dzidzantún, Izamal, Mocochá, Sucilá, Tinum, Tixkokob y Tizimín.