Ma’atech u xu’ulul le múulmeyajijl ichil le noj mola’ay Congreso yéetel najil kaambesajil

2022-11-28

  Tu noj kaajil Jo’, Yucatán, 28 ti’ noviembre 2022

Ichil le jun jaatsil meyaj ti’al u mu’uk’ankúunta’al le noj mola’ay Poder Legislativo ti’ Yucatán le Congreso tu múultsíibtaj junp’éel Convenio múulmeyajil yéetel le najil xook  Centro Educativo “José Dolores Rodríguez Tamayo” (CERT) ti’al u beytal u tsolnu’ukta’al xoknáalo’ob

Le Convenio múultsíibta’ab tu kúuchilil sala “Maestra Consuelo Zavala Castillo jo’olinta’ab tumeen le  presidente ti’ le Juntai Gobierno yéetel Coordinación Política, diputado Víctor Hugo Lozano Poveda tu’ux tu tsolaj, le convenio ku jets’ik u chuunil meyaj ikil kun xak’alta’al iniciativas, u paklamxaak’alil yéetel u k’ajóolta’al bix u meyaj Poder Legislativo

Tak bejlae le Legislatura ts’oka’an u firmartik 17 Convenios je’ex yéetel Uady, UNAM, Codhey, Sedeculta, Indemaya, Poder Judicial del Estado, las universidades Marista, Modelo, Vizcaya, Privada de la Península, Anáhuac Mayab,  Santander; Instituto Belisario Domínguez, CERT, Unicef, Asociación Nacional de Abogados de Empresa, y Escuela Nacional de Estudios Superiores Unidad Mérida.

Le diputada Carmen González Martin (PAN) tu ya’alaj, le ka’aj bin xíimbal tu najil xook CERTe tu Kaajil Ticul tu wináalil Abril le ja’ab máaniko’ ka’aj k’áata’ab ka’a firmarta’ak le Convenio

Ichil le u múultsíibta’al le Convenio táakpaj le diputadas Karen Achach Ramírez, Manuela Cocom Bolio, Dafne López Osorio, Pilar Santos Díaz, Rubí Be Chan, Fabiola Loeza Novelo; le diputados Erik Rihani González, Raúl Romero Chel, Crescencio Gutiérrez González, bey xan Everth Jesús Dzib Peraza, director ti’ le najil xook CERT-Caucel, Mario Maldonado Espinosa, director ti’ le Institutoi Investigaciones Legislativas ti’ Poder Legislativoi Yucatán