Le u noj mola’ay Congreso Yucatán ku áaprobaartik le u jeltúumbensa’al le u a’almajt’aanil u lu’umil Mexico tu yóolal utsilkuxtal

2024-11-01

Tu noj kaajil Jo’, Yucatán 31 ti’ octubre 2024

Le u diputados le LXIv Legislatura tu áaprobaarto’ob le minuta túuxta’an tumeen le Camarai Senadores ikil u jeltúumbesna’al le artículos 4 yéetel 27 ti’ le u noj a’almajt’aanil México tu yóolal utsilkuxtal, ku jets’al ichil u ts’íibiltusbeelil le u ts’a’abal apoyos sociales ti’al kajnáalo’ob discapacitados, nojoch wíiniko’ob, kolnáalo’ob yéetel chujkayo’ob kaja’ano’ob way tu lu’umil México

Ichil sesión extraordinaria le diputadas yéetel diputados ti Morena María Esther Magadán Alonzo, Samuel Lizama Gasca yéetel  Daniel González Quintal, tu tsikbalto’ob le je’elob junp’éel justicia social ti’al ti’ máaxo’o’b jach k’a’anan ti’ob, beyo’ táan u máansa’al táanil u yutsilil Mexico

 Tu favor t’aanajo’ob xan le Diputadas Itzel Falla Uribe (PAN), Rosana Couoh Chan (PRI) yéetel le  Diputado Javier Osante Solís (MC), máaxo’ob tu tsikbalto’ob  jach táaj ya’ab beneficios kun taasik ti’ óotsilo’ob

Le u presidentai le mesa directivaob diputada Neyda pat Dzul (MORENA) tu ya’alaj jach ki’imka óolil ku taasik le dictamenob ba’ale tu tsikbataj ya’ab meyaj ku binetik u beetpajal ti’al u beykunsa’al le u derechos máasewáal kajnáalo’ob, le óolal le diputadas yéetel diputados jach k’a’anan le meyaj ti’al u kusa’al u t’aanil ti’al tuláakal u lu’umil Yucatán

Bey xan yéetel 19 votos tu favor, 16 tu contra áaprobaarta’ab tumen le diputadosob le minuta ikil u jeltúumbensa’al le articulo 107 yéetel 105 ti’ le u noj a’almajt’aanil Mexico tu yóolal inimpugnabilidad ti’ le reformas kun beetpajal ti’ Constitución, le u jelúumbensa’alo’ob ku tusbeelta’al le u jets’ala ma’ u beytal u beeta’al controversias constitucionales, acciones ti’ inscostitucionalidad le kéen jeltúumbesna’al le u noj a’almajt’aanil Mexico

Tu favor t’aanaj le u diputadasi Morena, Naomi Peniche López yéetel  Alba Cob Cortés beey xan le  Diputados Eric Quijano González,Francisco Rosas Villavicencio (PT).

Tu contra le dictamen votarnaj le u diputadai PAN Zhazil Méndez,Larissa Acosta Escalante (MC); le Diputados Rafael Montalvo Mata (PAN), Álvaro Cetina Puerto (PAN) yéetel Gaspar Quintal Parra (PRI).