Ku k’uba’al jejeláas iniciativas aktáan Sesion plenaria ti’l Congreso Yucatán

2025-02-05

Tu noj kaajil Jo’, Yucatán 5 ti’ febrero 2025

 Aktáan Sesión Ordinaria ti’l Congreso Yucatán le Diputadas ti’ le LXIV Legislatura máano’ob t’aan Tribuna ti’al u k’ubo’ob jejeláas iniciativas tu yóolal u kalanil tooj óolal xko’olelo’ob, yéetel ti’al u derechos tuláakal kajnáalo’ob

Ichil asuntos generales le diputadas Clara Rosales Montiel (Morena) yéetel Larissa Acosta Escalante (MC) tu k’ubo’ob iniciativas ti’al ma’ u yilal k’aas xko’olelo’ob tu yóolal le u autonomía reproductiva, le óolal ku k’áata’al ka jeltúumbensa’ak artículos ti constitución, código penal yéetel u a’almajt’aanil ts’aakankil

Le Diputada Naomi Peniche López (Morena) tu k’ubaj iniciativa ti’al u táakbesa’al ichil a’almajt’aan le t’aan empleo verde ti’al u beykunsa’al le u je’eba’al  meyaj ikil negocios tu’ux ku kaláanta’al sijnáalil yéetel u nonojkíintik le u náajalil taak’in ek lu’umil

 Le Diputada María Esther Magadán Alonzo (Morena) tu k’ubaj iniciativa ti’al u táanilkuunsa’al le transparencia yéetel le rendición ti’ cuentas way t- lu’umil, yéetel u taasal utsil ti’ kajnáalo’ob ikil u ch’úukta’al bix u xu’upul u taak’iin kaaj wáa recursos públicos.

Bey xan le Legisladora Rosana Couoh Chan (PRI) tu k’ubaj iniciativa ti’al u jáalk’ata’al u meyaj tu junaj le mola’ay Instituto de Salud Mental ti’al ma’ u tusbeelta’al tumeen le  Secretaría ts’aakankil kuk tukutla’al u suta’al  bey Instituto de Salud Mental y Prevención del Suicidio, junp’éel túumben organismo descentralizado.

Ikil u k’uba’al puntos de acuerdo, le Diputada ti’ PAN, Cristina Polanco Bautista tu k’ubaj le propuesta ti’al u beetpajal junp’éel tsolts’íibil wáa registro ti’ le najo’ob ku k’askúunta’al tumeen u ch’óoch’ja’il k’áak’náab, le propuestaob k’am tume le Mesa Directivaob yéetel máansa’ab ti’al u láak’ sesion  ti’al u paklamtsikbalta’al

Máan xan t’aan tribuna le diputadas Neyda Pat Dzul (Morena), Zhazil Méndez Hernández (PAN) yéetel le diputados Javier Osante (MC), Alejandro Cuevas Mena (MORENA), ichil asuntos generales, máaxo’ob tu tsikbalto’ob jejeláas péektsilo’ob.

 Aktáan Sesión plenaria túuxta’an ti’ le Comisión ti’ Puntos Constitucionales le iniciativas

 -Le iniciativa ti’al u jeltúumbensa’al  jejeláas artículos  ti’l u a’almajt’aanil Tránsito yéetel Vialidad  ti’al u kalanil u derechos kajnáal nuumo’ob wáa Discapacitados tu yóolal u jóok’isko’ob u licencias ti’al manejar.

 -ti’al xan u jeltúumbesna’al le yáax articulo ti’ le  Constitución Política Estatal.

 - ti’al u jeltúumbensa’al le artículo 75 sexies ti’l  Constitución local.

 -Le iniciativa ti’al u jeltúumbensa’al le Constitución local tu yóolal soberanía alimentaria yéetel le derecho ti’al alimentación saludable.

-Le iniciativa ti’al u jeltúumbensa’al le Constitución yéetel le   u Ley General ti’ Hacienda estatal tu yóolal  inclusión yéetel bienestar ti’al kajnáalo’ob  discapacitados way Yucatán.

 T’ le Comisión ti’  Medio Ambiente túuxta’ab :

 -Le iniciativa ti’al u jeltúumbensa’al artículos ti’ le u a’almajt’aanil  u kalanil che’ob ich kaaj .

 Tu xuule’ beta’ab u payt’aanil tu k’iinil miércoles 12 ti’ febrero chúumuk k’iini kun beetpajal Sesión Ordinaría yéetel las 4:00 u chíinil k’iin Sesión Solemne ti’al u k’uba’al le chíimpolal  Medalla “Héctor Victoria Aguilar”.