U mayoriai le Diputadosob tu aprobarto’ob le u dictameni le iniciativa ti’al u a’almajt’aanil Cambio climático.

2021-10-25

Tu noj kaajil Jo’, Yucatán, 25 ti’ octubre 2021.

Kex táakbesa’ab le u propuesta le Diputadai PRI Karla Franco Blanco, ti’ le Diputado Erick Rihani González y Jesús Pérez Ballote (PAN), le Diputadosil le Comisión Permanente ti’ sijnáalil tu aprobarto’ob le dictamenil le iniciativa ti’al u beeta’al le túumben a’almajt’aanil Ley del Cambio Climático, le u Diputadai Morena, Jazmín Villanueva Moo votarnaj tu contra.

Ts’a’ab ojéeltbij, tu k’iinil 22 ti’ octubre ts’a’ab 36 horas ti’ le Diputadosob ti’al u túuxtiko’ob u ts’íibilil ti’al u táakbesa’al ichil u xaak’alil, beey xan je’eb junp’éel kúuchil ti’ le u Micrositio internet tu paginai Congreso ti’al u béeytal u k’a’amal u t’aan kaaj.

Ichi le Sesión ti’ le Comisionob le Diputada Karla Franco Blanco tu xokaj le artículos transitorios ti’ le u Proyectoi le dictamenil le iniciativai Cambio climático, tu’ux ku jets’a’al unaj u much’al junp’éel Comisión interseccional chéemp’elak u jóok’sa’al le Decreto.

Beey xan ku tusbeelta’al le Secretaria ti’ Desarrollo Sustentable unaj u je’ik junp’éel kúuchilil electrónico ichil wakp’éel wináal máanak u káajal u tsikbe’ebil le Decreto ku k’aaba’tik Sistema de Medición, Reporte yéetel Verificación, Monitoreo yéetel Evaluación, yéetel xan le u láak’ nu’ukbesajil Registro Estatal de Emisiones de Gases y compuestos de efecto invernadero.

 Ku ts’a’abal tak 180 k’iino’ob ti’al u jóok’sa’al le u Reglamentoi le u a’almajt’aanil cambio climático ti’al u Yucatán yéetel le Programa Estatal ti’al Cambio Climático

90 k’iino’ob unaj u jóok’sa’al le u Reglamentoi interno ti’al le Sistema Estatal ti’al Cambio climático yéetel u Reglamentoi interno le Consejo Ciudadano Consultivo ti’al mitigación yéetel adaptación ti’al Cambio Climático

 Le u jaatsilil u Diputadosi Morena táakpajo’ob táan le Sesionob  Jazmín Villanueva, Rafael Echazarreta Torres, Rubí Be Chan y Alejandra Novelo Segura, tu proponerto’ob ka ts’a’abak u láak’ k’iin ti’al u xak’alat’ala le iniciativao ba’ale maj óota’abi’i.

Le u Coordinadorai Morena Alejandra Novelo,  tu tsolaj ma’ nonoj le k’iino’ob ts’a’ab ti’al u nu’uka’an xak’altiko’ob le iniciativao, ka’aj núuka’ab tumen le u Presidentei le Comisionob Harry Rodríguez Botello Fierro le Secretaria Generalo’ tu túuxtaj ti’ob ti’ correo electrónico tu k’iinil martes 19 ti’ octubre

Le u Presidentei le Juntai Gobierno yéetel Coordinación Política le Congreso Diputado Víctor Hugo Lozano Poveda tu ya’alaj ti’ le u jaatsilil u Diputadosi Morena le kéen ts’o’okok le Sesionov ka u much’ubáao yéetel le Secretaria Generalo’ti’al  u yilo’ob wa jaaj ma’aj túuxta’ab ti’ob séeba’an le iniciativao je’ex bix u jets’ik le Reglamento tumen ma’aj unaj u ta’aka’al wáa ma’tech u tsikbe’enta’al le ba’ax ku tusbeeltik le u Reglamentoi Poder Legislativo

Ti’al u xuule’ le u Presidente Rodríguez Botello Fierro tu tusbeeltaj le Secretaria General ti’al u k’ubik ti’ le Diputadosil le LXIII Legislatura; Le u proyectoi le dictamenob unaj u paklamtsikbalata’al táan Sesiono ti’ pleno.