K’u’ub le chíimpolal “Diputado Panfilo Novelo Martin” ti’ el ajka’ansaj Ricardo Cetina Flores

2021-02-24

Tu noj kaajil Jo’, u lu’umil Yucatán, 24 ti’ febrero tu ja’abil 2021

“Kin túuxtik te’ex t’aan ti’al ak múulmu’uk’ankúunsik le mayaa t’aan, ka tusbeelta’ak u ka’ansal ichil najil xook, wáa te’ex a k’áate’exe’ ku béeytal a kanike’ex, le maayao’obo to’on, wayano’on, ti’ yano’on waye’, ek miatsile kuxa’an, mu’uk’a’an yéetel t’a’aj  u yóol” , bey tu tsikbaltaj le ajkana’saj Ricardo Cetina Flores le ka’aj tu k’amaj le noj chíimpolal Diputado Profesor Panfilo novelo Martin.

Aktáan sesión solemne, le LXII legislatura tu k’ubaj le noj chíimpolalo’ob tu’ux táakpaj le u X- noj k’abil Jala’achil Maria Fritz sierra, le magistrado Luis Felipe Esperon Villanueva yéetel u representantesi Jala’achil yéetel Poder Judicial

Aktáan u láak’tsilo’ob, le máax k’am le chíimpolalo’ob tu tsolaj, tu yóok’lal u talamil le pandemiao yaan jejeláas u kajilo’ob yéetel u méek’tankajilo’ob noj lu’umil mina’an televisión, mix señal ti’al celular, le interneto’ob jeta’an ko’oj, ba’ale yaan ajkansajo’ob héroes mantats’ ku bino’ob semanal wa kincenal tu jejeláas najil xook ti’ le mejen kaajo’obo, u ts’aaj xooko’ob wa ku kaxáantiko’ob bix ma’ u je’elej u ts’aaxooko’ob, yaan wáa jaytúule tsoka’an u náajaltik chíimpolal nacional.

Le u náajalil le premio, 20 tabletas, ba’ale k’ubab ti’ le u mejen xoknáal le a’knasaj náajalto’ob, chéen u ju’unil p’aajti, ba’ale k’i’imak u óol tumeen bejlae le mejen palalo’ob yaan u nu’ulil u kambalo’ob.

Ichil u t’aan ichi maya yéetel kastelan, le ajkansaj Cetina Flores tu ka’ansaj junp’éel chan k’aay ichil na’tsil máasewáal t’aan tu’ux táakpaj diputadas yéetel diputados, beey xan le máaxo’ob yano’obo’o.

Tu k’a’asaj, u ajxokaambal le ajkansaj Panfilo Novelo Martin, p’áat le u tuukul meyaj ti’ le  mu’uk’an meyja ku beetik ikil u bin ti’ ejejláas mejen kaajal u ts’aaj xook báaxalil, ikil u beetik báalts’aam báaxalil, tak bejale’ leti’e ku ch’a’ajoltik u beeta’al ikil u kansa’al xoknáalo’ob.

Le ajkansaja k’am le chíimpolalo’ob tu ya’alaj, ti’ le u kúuchil tu’ux ku meyajo’ob ku ka’ansik le matemática maya tumeen le mejen ch’uupalal yéetel xiipalal kex táan u báaxalo’obe táan u kaambalo’ob, ma’ chéen táan u táabal tu tuukul, táan u kanik tuukul.