Ku k’iimbesa’al “Día Estatal para Recordar a las Víctimas del Covid-19”

2022-04-05

• Ku beeta’al u tsikba’alil bix anik le k’oja’anil Covid wey t lu’umil

 Tu noj kaajil Jo’, Yucatán 5 ti’ abril 2022

Ikil u k’iimbesa’al le máank’inal Día Estatal para Recordar a las Víctimas del Covid-19, iniciativa jo’olinta’an tumeen le u diputadai PAN Dafne López Osorio beey xan aprobarta’ab tan Sesión máaniko, beeta’ab le tsikbalil Panorama del Covid en el estado de Yucatán

Le diputadaob tu k’a’asaj, junp’éel u nojoch talamil tooj óolal muk’yajta’ab  tu ts’ook ja’aboba’, tu yóolal le k’oja’anilob ya’abkach kuxtal sa’atij, ya’ab kajnáalo’ob tu p’átaj kúuchkabalob mix béeychaj u yiliko’ob tu xuul u kuxtali’

Tu tsolaj tuláakal le meyaj ch’a’ajo’olta’ab u beeta’al tak le káaj k’uch le virus wey t lu’umil le óolal tu túuxta’al ki’imak óolal yéetel u diosbo’otikil ti’ tuláakal ajts’ayajo’ob le u k’ub óolil meyaj kex aktáan ti’ le virus anchajo’ob, ba’ale  kex beyo’ ma’ je’el u meyajo’ob kex anchaj u sajakil u sa’atal xan u kuxtalo’ob wa ka páak’ak ti’ob le k’oja’anilo’ob beey xan ku láak’intiko’ob tu xuul u kuxtalil máaxo’ob sa’at u kuxtalo’ob.

Le tsikbalob beeta’ab tu kúuchilil Consuelo Zavala Castillo jo’olinta’ab tumeen le director ti’ Prevención yéetel  Protección ti’al tooj óolal ti’ le mola’ay  Servicios de Salud de Yucatán, Isaac Hernández.

Le ajts’ayajob tu tsolaj tuláakal le meyaj ch’a’ajo’olta’ab u beeta’al je’ex bix le u much’al le Comité Estatal ti’ Emergencias ti’al k lu’umil, le u k’a’alal negocios ma jach k’a’ana’an, le u ch´’eensa’al u seen m áan kajnáalo’b ich kaaj yéetel le u je’ebel hospitales temporales

Tu k’a’asaj xan  tak ti’ le k’iinoba’ le semáforo epidemiológico ya’ax u boonil tak walkila’ tumeen ts’oka’an u éemel le u seen páak’al, le u kíimil kajnáalo’ob yéetel le u seen chocho’tal hospitales tu yóolal le k’janil covid.

“Le k’oja’anilo’ob k’uch ti’al u p’áatal” bey tu ya’alaj le ajts’ayajob, le u nu’ukbesa’al piix chi’ kex ma jach patal u yila’al wey tu lu’umil Yucatán tak le ka’aj káaj le pandemiaob ya’abkach ust tu taasaj yéetel béeychaj u ch’úukta’al ma’alob bix u k’uchul le k’oja’anilo’ob yéetel tu ts’áaj u páajtalil ti’ ek lu’umil u máan táanil tan le k’oja’anilo’ob.