Ku jeltojkíinsa’al le a’almajt’aan Ley de Procedimientos Electorales ti’ u lu’umil Yucatán

2022-05-11

Tu noj kaajil Jo’, Yucatán 11 ti’ mayo 2022.

Audio Maya

Tan Sesión Plenaria le u diputadosi yéetel diputadasi le LXIII Legislatura tu múuch’ aprobato’ob le u dictameni le iniciativa túuxta’an tumeen u Jala’achil u lu’umil Yucatán ti’al u jeltojtkíinsa’al le u a’almajt’aanil procedimientos electorales tu yóolal u tusbeelta’al tu’ux kun túuxta’al le taak’in kun bo’otpajal tu yóolal multas ti’ partidos políticos tumeen le autoridad electoral.

Le u diputadai PAN Karla Salazar González tu tsolaj, le je’elo’ ku beeta’al tu yóolal u keetkúunsa’al le a’almajt’aan estatal yéetel Federal ti’al u mu’uk’ankúunsa’al le u meyajil kaambesajil ciencia yéetel tecnología ti’al u xupa’al nu’uka’an le taak’ino.

Le u diputadoi Nueva Alianza José Crescencio Gutiérrez tu ya’alaj le iniciativa ku kaxantik le u jach ma’alobil kaambesajil superior tu lu’umil Yucatán, beey xan k’a’ana’an u ch’úukta’al bix kun xu’upul le taak’in ku bo’ota’al tu yóolal le multas tu yóolal yéeyajil

Beey xan le diputadosob tu múuch’ aprobarto’ob le u jeltúumbensa’al le código penal tu yóolal u kaláanil xyo’om ko’olelo’ob bejale ku jets’a’al u kuuch bo’olil le túumben loobil violencia ti’ genero ti’ máax topik juntúul xko’olel xyo’om.

Tu favor le iniciativao t’aanaj le u diputadai PRI Karla Franco Blanco tumen tu tsolaj ichil le jejeláas k’eexil  ku aprobartalob leti’e u na’aksa’al u kuuch bo’olil le si’ip’iloobilob, le violencia ti’ genero ku mas gravechajal le kéen beeta’ak ti’ juntúul xko’olelel xyo’om wa ku chukik tak 6 meses u xyo’omi, bey túuno’ k- e’esik u muuk’ le noj mola’ay poder Legislativo tu yóolal u tojtáanta’al u xu’ulsa’al le pech’ óolalil ku yúuchul tu lu’umil Yucatan.

 U mayoriai le diputadosob tu aprobarto’ob le acuerdo túuxta’an tumeen le Comisión permanente ti’ justicia yéetel seguridad publica ikil u yóota’al u ts’a’abal u jubilación le magistrada Adda Cámara Vallejo, le u diputadosi Morena votarnajo’ob tu contra.

Ichil asuntos generalese le u diputadai PAN Karen Achach Ramírez tu k’ubaj junp’éel iniciativa ti’al u jeltúumbensa’al le código penal tu yóolal le loobil feminicidio le kéen óota’ak kiinsbil juntúul xko’olel ti’al u je’ets’el u kuuch bo’olil yéetel k’aalil

Le diputada Manuela Cocom Bolio (PAN) tu túuxtaj t’aan tan tribuna ti’ le u jolpo’opilo’ob Federación ti’al u túuxta’al u taak’inil le kúuchililo’ob kalanil refugios de mujeres violentadas ti’al ma’ u xu’ulul u yáanta’al xko’oleo’ob ku muk’yajtiko’ob toopil

Dafne López Osorio (PAN) tu k’ubaj junp’éel iniciativa tu yóolal lenguaje incluyente ikil bix kun t’a’anal funcionarios xiib wa xko’olel, bey kun jeltúumbensa’al ichil u a’almajt’aanil Yucatan yéetel ti’ le noj mola’ay Poder Legislativo

Le u diputadai Morena Ruby Be Chan tu k’ubaj le iniciativa ti’al u tusbeelta’al u beeta’al nu’ukbesajil ts’aakil tumeen Jala’achil ti’a u yutsil  máaxo’ob muk’yajtik le k’oja’anil insuficiencia renal crónica ti’al ka je’ebel kúuchilo’ob ichil hospitales tu’ux kun ts’a’abal hemodiálisis wa ti’al u ts’a’abal cursos bix u beeta’al ti’ kaajo’ob ku máansik 35 mil u kajnáalilo’ob

 Tu xuule’ le diputado Rafael Echazarreta Torres tu k’ubaj u propuestai ti’al  u túuxta’al je’eba’ax dictamen tan comisión ti’al vortatak tsan comisione unaj u túuxtal tu correo electronico láajal diputados tak 48 horas antes u beeta’al le Sesión ti’ le Comisionobo.

Ichil le Sesión plenariob táakpaj le uy xoknáalilo’ob le najil xook universidad modelo tu kaajil Valladolid.

Sesión ti’ le Comisión permanente ti’ Desarrollo Económico

Tan Sesión ti’ le Comisión ti’ Desarrollo Económico ka’a ch’a’ajo’olta’ab tumeen le diputadosob le u xaak’alil le u proyectoi le dictamen ti’al u beeta’al u túumben a’almajt’aanil Ley de Desarrollo Social ti’al u lu’umil Yucatán k’uban tumern u diputadosi PRI.

Beey xan le iniciativa k’uban tumen le diputada Dafne López Osorio ti’al u jeltúumbensa’al u a’almajt’aanil Desarrollo Económico yu tóolal u meyajil artesanías.