Le LXIII Legislatura tu káapajal ichil le péektsil Lazo Dorado tu yóolal u kiimbesajil yóok’ol kaab cáncer ti’ mejen paalal

2023-02-16

 Tu noj kaajil jo’, Yucatán 16 ti’ febrero 2023

Ichil u k’iimbesajil  yóok’ol kaab le u táan óolta’al u k’oja’anil cáncer ti’ mejen paalal le u diputadai PAN Dafne López Osorio tu payt’aanj diputados yéetel diputadasi le LXIII Legislatura ti’al u táakpajal ichil le péektsil Lazo Dorado tumeen ti’ ku chíikpajal le u mu’uk’anóolil mejen paalal, táankelemo’ob tsaa’ayal cancert’iob

Le diputada López Osorio tu tsolaj,le péektsilob  junp’éel k’ubent’aan ku túuxta’al ti’ mejen paaalal k’oja’ano’ob sáansamal ku yamyantiko’ob jóok’ol táanil, le óolal le u noj molay Poder Legislativo tu je’aj junp’éel kúuchilil ti’al u k’a’amal tapitas ti’al u bisal ti’ le bancoi tapitas ikil u yáantal mejen paalal 

Le u diputadai Morena Jazmín Villanueva Moo, tu k’ubaj junp’éel iniciativa ti’al u jeltúumbensa’al u a’almajt’aanil tooj óolal ti’al u chíimpolta’al ichil le meyaj ku beetik x-kam chaambal wa parteras tradicionales , máaxo’ob ku meyajtiko’ob u úuchben ts’aakil máasewáal kajáalo’ob

Tan sesion ordinaria ichil asuntos generales le u diputado Rafael Echazarreta Torres (MORENA)  tu tsolaj k’a’ana’an u sáasilkúunta’al yéetel u beykunsa’al ti’ kaaj le u páajtalil ojéelal, le óolal ku túuxtik k’áatbij ti’ le u presidentei municipal Jo’, le u k’ubik le u ju’unil ikil Kun beeta’al le parque THO’ tumeen bey u k’áatik kajnáalo’ob

Ka’a na’ak tribuna  u diputadai PAN Karla Salazar González ti’al u núukik tumeen le ba’ax ku k’áatalo’ob bey ku tukulta’al le ayuntamiento ma’atech u ch’enxkintik kaaj ba’ale u jaajile le ayuntamiento mantats’ tan u tsikbal yéetel kajnáalo’b ti’al u paklamtsikbalta’al bix kun beeta’al le túumben parque

Le diputada Carmen González Martín (PAN), t’aanaj tribuna ti’al u ch’éensa’al u ya’alal ba’ax k’aas ti’ máaxo’ob ku máan t’aan tu k’aaba’ jun jaatsil diputados, mina’an defensores je’ex ku ya’alalob, weye’ yaan representantes populares yéeya’an tumeen kaaj beey xan kak na’akal tribuna t’aan tu yóolal ba’ax ma’alob yéetel ba’ax k’aas u beeta’al tumeen bey u k’aatik kajnáalo’ob

Ka’a ch’a’ajo’olta’ab u xaak’alil le u kamp’éel informei u meyaj Jala’achil, le diputadosob tu tsola’ajo’ob bix tu yilajo’ob le meyaj beeta’ab tu yóolal le jaatsil meyaj Desarrollo Económico y Territorial, y Desarrollo Social y Rural.

Le diputada Fabiola Loeza Novelo tu tsolaj, kex ma’a láaj núuka’ab le k’áatchi beeta’an ti’ le funcionariosob ku páatik ka’a túuxta’ab u ju’unil

le diputado Crescencio Gutiérrez González (NA),ku tukultik le meyaj ku beeta’al tumeen Jala’achil leti’e ku k’áatik kajnáalo’ob ti’al u jóok’ol táanil, sáansamal ku kaxantik bix u beetik ya’abkach programas kex junp’íik u taak’inil ba’ale ti’al u yáantik ya’ab kajnáalo’ob

Vida Gómez Herrera, diputada de Movimiento Ciudadano (MC), tu tsolaj, ku ch’enxikitik ba’ax ku yu’ubik le partido MC ti’ redes sociales ti’al u ts’a’abal u páajtalil ti’ kajnáalo’ob u túuxtiko’ob k’áatchi tu yóolal le informeob, tumeen yaan k’iine junp’éel ba’ax ku tsola’al way Congreso ba’ale yaana ba’ax ku yúuchul táanxel tu’ux

Le diputado del PRD, Eduardo Sobrino Sierra tu ya’alaj k’expaja’an u tuukul tu yóolal le u óotsilil ek lu’umil tumeen táaj nonojchaja’an, ku tukultike’ mixba’al ku beeta’al ti’al u xu’ulsa’al óotslil ichil u meyajil desarrollo social yéetel rural, unaj u beeta’al programas ti’al méek’tankaajo’ob ek lu’umil ti’al tuláakal kajnáalo’ob.

Le diputada Karla Franco Blanco ti’ PRI le informe k’uban je’ex bix le ja’ab máanikob ma’ chúuka’an le datos chíikbesik wa jaaj ku beeta’al le ba’alo’ob jets’a’an ichil le Plan Estatal ti’a Desarrollo ti’ Jala’achil 2018-2024

Le u diputada  Morena, Rubí Be Chan tu tsolaj, le informeob chéen tsíiba’an ba’ax ts’a’abij ma’atech u ya’alaj ba’ax ma’ beetabi’i yéetel máaxo’ob ku binetik u yáanta’al

le diputado Rafael Echazarreta Torres (Morena) tu tsolaj le múulmeyaj ichil gobierno estatal yéetel federal  ma’ unaj u cha’abal bey pretexto ti’al ma’ u k’áata’al bix u xu’upul u taak’in kaaj

Le diputada Pilar Santos Díaz (PAN) tu sáasilt’anaj ichil le u xaak’lil le informeob ku chíikpajal uts meyaj ku beykunsik u jóok’ol táanil ek lu’umil beeyx atu túuxtaj payt’aan ti’al ma’ u je’elel le meyaj ti’al u máan táanil u lu’umil yucatan ti’ u meyajil desarrollo económico yéetel  territorial

Le diputado Esteban Abraham Macari (PAN) tu ya’al ichil u xaak’alil le informeob ku yila’al datos jaajkuntik le ba’ax tsola’an ichil u tsíibilil yéetel le ba’ax tu núukaj le funcionarios estatales, ku jets’ik le u lu’umil yucatabn táanil ku bin tu yóolal le utsil meyaj winalil tak wináalil ku beetik Jala’achil

Aprobarta’ab tumeen le diputadosob le u k’ubik u informei u meyaj le u jolpo’opil le mola’ay Derechos Humanos tu k’iinil miércoles 22 ti’ febrero las 11 ja’atskabil tan sesión ordinaria

Beey xan aprobarta’ab le u táakpajal le x- ajkana’sal María Chavarrea Chim tan tribuna tak yóok’ol 7 minutos ti’al u táan tu yóolal u noj k’iimbesajil na’tsil t’aano’ob tu k’iinil 22 ti’ febrero

Ti’al u xulej aprobarta’ab le dictamen ti’ le comisión ti’ kambesajil ciencia yéetel tecnología tu yóolal u tooj óolal ba’alcheob